RUM 11:22 - PEJANJIAN EMPAI CERITAU ILUAK

²² Kitau nginak keilu'an Allah ngan ketegasan Allah. Diau tegas ngan jemau diau bedusau, tapitu iluak ngan kamu, amun kamu maju idup pantas nerimau keilu'anNyau. Amun nidau, kamu pulau ka dicapakka.

RUM 11:22 ပူးပေါင်းရင်းမြစ်များ

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

YUHANIS 15:2

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

YUHANIS 8:31

Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

RASUL 11:23

Barnabas la sampai di Antiukia, diau nginak Allah iluak ngan ughangtu, mangku diau riang nian. Diau ngajung, supayau ughangtu maju ta'at ngan Tuhan ngan setia.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

RUM 11:21

karnau amun Allah nidau sial ncapakka jemau Yahudi diau luak cangka asli tadi, jangan sangkau Diau ka sial ncapakka kamu.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

1 KURINTUS 15:2

Amun kamu nuruti nian setu diau kukiciakka ngan kamu, mangku ceritau iluaktu ka nyelamatka kamu. Amun kamu nidau nurutinyau, nidau bediau gunaunyau kamu njadi jemau percayau.

GALATIA 6:9

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

1 TESALUNIKA 3:8

Mbak kini kami meghasau idup nian, karnau kamu maju seghundak ngan Tuhan.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 3:14

Kitau la bulia bagian ngan Keristus, amun kitau maju tegua percayau enggut mati luak senitu.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

1 YUHANIS 2:19

Ughangtu jak di kitau, anyautu la ninggalka kitau, karnau ughangtu ukan jemau kitau nian. Amun ughangtu jemau kitau nian, cengki ughangtu maju seghundak ngan kitau. Anyautu ughangtu la ninggalka kitau, mangku tenyatau, bansau nidau sughang kia jak di ughangtu jemau kitau.

PENGINA'AN 2:5

Karnau itu ingatkala, la jawua nian kaba nyimpang! Ubaila jak di dusau kaba, kerjaukala setu diau kaba kerjauka masau empai percayau. Amun nidau, Aku ka datang endak ncabut tiang lampu kaba jak di badahau, amun kaba nidau ngubai perembak kaba.