RUM 11:13 - PEJANJIAN EMPAI CERITAU ILUAK

¹³ Mbak kini aku endak ngiciak ngan kamu, ui jemau diau ukan jemau Yahudi. Aku rasul batan endak jemau ukan jemau Yahudi, mangku riang nian ngan kerjaukuni.

RUM 11:13 ပူးပေါင်းရင်းမြစ်များ

RASUL 13:2

Adau saghi ughangtu dang sembayang ngan puasau, mangku Rua Allah bekatau ngan ughangtu, “Piliala Barnabas ngan Saulus batan endak Aku, supayau ughang duau itu ngerjauka kerjau diau la kutetapka batan endak ughang duautu.”

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

GALATIA 1:16

Allah nyatauka Ana'Au ngan aku, supayau ceritau Ana'Autu pacak kukiciakka ngan jemau bangsau lain. Masau itu aku nidau mintak pendapat ngan sughang kiala.

GALATIA 2:2

Aku pegi ke Yerusalim, karnau Allah la nyatauka ngan aku, bansau aku mesti pegi. Aku betemu ngan pengulu-pengulu jemau Keristen di situ, mangku aku ngiciakka ceritau iluak diau kukiciakka ngan jemau bangsau lain, supayau jangan kerjauku empuak senitu empuak mbak kini nidau bediau retiau.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.