RUM 10:2 - PEJANJIAN EMPAI CERITAU ILUAK

² Aku beghani ngiciakka ughangtu ta'at nian ngan agamaunyau, anyautu ughangtu nidau terti carau diau benagh.

RUM 10:2 ပူးပေါင်းရင်းမြစ်များ

YUHANIS 16:2

Kamu ka dikeluaghka jak di ghuma sembayang, mangku ka sampai masaunyau, jemau diau mbunua kamu, nyangkau diau melemakka ati Allah.

RASUL 21:20

Ndengagh ceritau Paulustu ughangtu ngagungka Allah galau. Mangku ughangtu bekatau ngan Paulus, “Paulus, kaba la keruan, mbak bansau beribu-ribu jemau Yahudi la percayau. Ughangtu maju na'ati ukum Taurat.

RASUL 21:28

sampai tegauk, kataunyau, “Ui, jemau Israil, mela tetulungan! Inila jemaunyau diau ngajagh di manau-manau, ngajaghka gegalau jemau melawan bangsau kitau, melawan ukum Taurat ngan Ghuma Allah ini. Mbak kini diau mbata'i pulau jemau Yunani masuak dalam Ghuma Allah, mangku ngumuhi bada diau suci ini.”

RASUL 22:22

Jemau banyaktu maju ndengaghka Paulus ngiciak, anyautu satu ndengagh katau itu, ughangtu tegauk-gauk, kataunyau, “Bunuala diau! Diauni nidau pantas idup!”

RASUL 22:3

“Akuni jemau Yahudi, lahir di Tarsus di perupinsi Kilikia, mangku aku besak di Yerusalim ini. Aku diajagh guru Gamali'il ngan neghagi belajagh ukum Taurat niniak puyang kitau, mangku aku galak kerjau batan endak Allah semegi ngan kapu dighi mbak kini.

RUM 10:1

Kantin-kantinku, aku endak nian, supayau bangsauku diselamatka. Mangku aku bedu'a ngan Allah ndu'akanyau.

RUM 10:3

Ughangtu nidau terti carau manusiau seilu'an ngan Allah. Ughangtu ngikut carau ughang itula, nidau nerimau carau diau ditunjuakka Allah.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

2 KURINTUS 8:3

Aku la nginak, bansau ughangtu la ngenjuak setu diau adau, lebia agi jak di itu dienjuakka. Ngan setulusau

GALATIA 1:14

Aku lebia ta'at jak di banyak jemau Yahudi diau sebayau njalanka agamauku. Aku rajin nian ngikuti adat lembagau niniak puyang kami.

GALATIA 4:15

Kamu riang nian masau itu. Mbak kini di manau keriangan kamutu? Aku keruan, masau itu kamu sukau ngenjuakka gegalaunyau ngan aku, lagi pulau ncungkil matau kamu itula batan endak dienjuakka ngan aku, amun pacak.

PILIPI 1:9

Aku ndu'aka kamu, mangku kamu tamba nyayangi Allah ngan jemau ngan tamba ngeruani diau benagh ngan bepengertian nian.

PILIPI 3:6

Aku ta'at tegalau, mangku nganiayau jemau Keristen. Ceritau ukum agamau Yahudi aku nidau becacat.

KULUSI 4:13

Akuni pacak ngiciakka, bansau diau la bekerjau nian batan endak kamu ngan batan endak jemau Laudikia ngan jemau Hirapulis pulau.