RUM 10:15 - PEJANJIAN EMPAI CERITAU ILUAK

¹⁵ Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RUM 10:15 ပူးပေါင်းရင်းမြစ်များ

MATIUS 9:38

Karnau itu mintakla ngan jemau ngempu sawa itu, mangku diau ngajung jemau ngetaminyau.”

LUKAS 10:1

La udim itu Tuhan milia tujua pulua anak-bua agi, diajungAu pegi beduau-duau nduluiNyau ke bilang kuta bilang dusun diau endak dijengu'Au.

LUKAS 2:10

Malaikat itu bekatau, “Nidau endak takut, karnau aku datang mbatak ceritau iluak batan endak kamu, ceritau diau meriangka gegalau manusiau.

LUKAS 2:14

“Tepujila Allah di bada diau Mahatinggi. Di deniau damai guak jemau diau melemakka ati Allah.”

LUKAS 8:1

Nidau lamau udim itu, Yesus pegi ke kuta-kuta ke dusun-dusun ngiciakka ceritau iluak, bansau Allah laka merinta. Duau belas anak-buaHau ngikut serempak ngan Diau.

YUHANIS 20:21

Yesus bekatau agi ngan ughangtu, “Salam damai batan endak kamu! Luak Bapak ngajung Aku, luak itula pulau Aku ngajung kamu.”

RASUL 10:36

Kapu dighi la keruan katau Allah diau dikiciakkaNyau ngan bangsau Israil. Katau itu ngiciakka ceritau iluak, jalan damai ngan Allah karnau Yesus Keristus. Diautu Tuhan gegalau manusiau.

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

RUM 1:15

Itula sebapau aku endak nian ngiciakka ceritau iluaktu pulau ngan kamu diau adau di Rum.

RUM 15:20

Tujuanku jak di senitu endak ngiciakka ceritau iluak jak di Allah di guak jemau diau lum ndengaghka ceritau Keristustu, karnau aku enggup ndalak untung jak di kerjau jemau.

IPISUS 2:17

Mangku Keristus datang ngiciakka ceritau damai ngan kamu, jemau diau senitu nidau keruan Allah, pulau ngan jemau diau la keruan Allah.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

IPISUS 6:15

Kesukauan ngiciakka ceritau iluak diau ndamaika njadi sepatu kamu.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.