RUM 10:12 - PEJANJIAN EMPAI CERITAU ILUAK

¹² Titu batan endak gegalau jemau, empuak jemau Yahudi empuak jemau bangsau lain, nidau bediau bidahau, karnau Allah diau sughangtu Tuhan gegalau jemau. Diau iluak nian ngan gegalau jemau diau mintak tulung ngan Diau.

RUM 10:12 ပူးပေါင်းရင်းမြစ်များ

RASUL 7:59

Setipanus dang disipati, diau bedu'a, kataunyau, “Tuhan Yesus, terimaula ruaku.”

RASUL 9:14

Mbak kini diau la datang ke sini mbatak surat kuasau jak di imam-imam bepangkat tinggi endak nangkap gegalau jemau diau percayau ngan Dighi.”

RUM 14:9

Keristus la mati ngan idup agi, mangku Diau njadi Tuhan jemau diau mati ngan jemau diau idup.

RUM 15:12

Mangku nabi Yesaya la ngiciak, “Jak di pengadau Isai ka adau sughang diau merinta bangsau-bangsau. Ughangtu ka ngaghapka Diau.”

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

1 KURINTUS 1:2

batan endak jemau Keristen di Kurintus, jemau diau la dipilia Allah njadi umatAu ngan melemakka atiAu karnau Keristus Yesus, ngan gegalau jemau di manau ajau diau nyemba Tuhan kitau Yesus Keristus, Tuhan ughangtu ngan Tuhan kitau pulau.

1 KURINTUS 15:47

Adam diau dulu sekali asalau jak di tana. Adam diau udim itu asalau jak di sergau.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 2:4

Anyautu Allah iluak nianan ngan kitau. Karnau Diau sayang tegalau,

IPISUS 2:7

Allah ngerjauka titu, supayau masau diau ka datang manusiau pacak nginak keilu'an ati Allah diau dinyatauka ngan kitau karnau Yesus Keristus.

IPISUS 3:16

Aku bedu'a, supayau Allah diau kayau ngan agung sekali neguaka ati kamu ngan RuaHau.

IPISUS 3:6

ResiauNyau luak ini: karnau ceritau iluak itu, mangku jemau ukan Yahudi ngikut meghasauka keilu'an Allah, mangku njadi angguta badan diau semegi ngan nerimau setu diau dijanjika Allah karnau Yesus Keristus.

IPISUS 3:8

Jak di umat Allah diau inau akuni diau inau sekali. Anyautu Allah la nunjuakka keilu'anNyau ngan aku. Diau pulau ngenjuakka ngan aku kerjau iluaktu endak ngiciakka ngan jemau ukan Yahudi ceritau iluak ngiciakka keilu'an Yesus Keristus diau nidau ka abis-abis.

PILIPI 2:11

Mangku gegalau ughangtu ka ngaku'i, “Yesus Keristusla Tuhan!” Mangku Allah Bapak diagungka.

PILIPI 4:19

Allah diau kusemba kayau kematila. Diau ka ngenjuakka ngan kamu gegalaunyau diau kamu mesti gunauka karnau Yesus Keristus.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

1 TIMUTIUS 2:5

Allah gi sughang. Mangku diau mbuat manusiau seilu'an ngan Allahtu gi sughang pulau, diautu manusiau Yesus Keristus.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 19:16

Di bajuAu ngan di balungAu ditulis namau, “Rajau gegalau rajau ngan Tuan gegalau tuan.”