RUM 1:20 - PEJANJIAN EMPAI CERITAU ILUAK

²⁰ Jak Allah njadika deniau, manusiau pacak ngeruani, bansau Diaula Allah ngan kuasauNyau nidau ka udim-udim. Empuak titu nidau kina'an, tapitu pacak dikeruani, karnau setu diau dijadikaNyau, mangku dikit kia nidau bediau tapakan manusiau endak mbenaghka diriau.

RUM 1:20 ပူးပေါင်းရင်းမြစ်များ

MATIUS 5:45

Ngan carau luak itu kamu njadi anak-anak Bapak kamu diau di sergau. Diautu numbuaka matauaghi batan endak jemau iluak ngan jemau diau ja'at pulau, ngan nughunka ujan batan endak jemau diau benagh ngan jemau diau nidau benagh pulau.

MARKUS 10:6

Anyautu empai penembai Allah mbuat manusiau, dibuatAu lanang ngan tinau.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

YUHANIS 15:22

Misalau Aku nidau datang ngan nidau ngiciakka gegalaunyau ngan ughangtu, ughangtu nidau besala. Anyautu mbak kini nidau bediau tapakan agi batan dusau ughangtu.

RASUL 17:29

Karnau asal kitau jak di Allah, kitau nidau bulia nganggap sipat Allah semegi ngan patung diau dibuat jak di emas, pirak ngan batu, diau dibuat ngan kepandaian manusiau.

RASUL 22:1

“Gegalau adiak-sanak, dengaghkala kataukuni. Aku endak mbenaghka diriku.”

RUM 1:19

Ughangtu ka diukum, karnau setu diau pacak dikeruani manusiau ceritau Allah la nyatau ngan manusiau, karnau la dinyatauka Allah.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

RUM 2:1

Ui kantin-kantinku, apu kamu endak nyalaka jemau? Amun luak itu, kamu nidau bediau tapakan endak mbenaghka diri kamu. Amun kamu nyalaka jemau, awuak kamu pulau ngerjauka kerjau diau ughangtu kerjauka, kamu ngukum diri kamu itula.

RUM 2:15

Perembak ughangtu nunjuakka, bansau setu diau diajung ukum Taurattu la adau dalam atiau. Ati keciak ughangtu pulau mbuktikanyau, karnau kekadangan ughangtu disalaka rupu'annyau, kekadangan dibenaghka.

1 KURINTUS 1:20

Mangku tuapau retiau jemau pintar? Tuapau retiau jemau beilmu ngan jemau pintar ngiciak? Allah la nyatauka, bansau kepintaran manusiau nidau bediau retiau.

KULUSI 1:15

Keristus itu gambaran diau nyatau jak di Allah diau nidau kina'an. Diau anak tuau, pentingla Diau sangkan gegalaunyau diau dijadika.

KULUSI 2:9

Karnau gegalau sipat Allah adau galau di Keristus, masau Diau adau di deniau njadi manusiau.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

1 TIMUTIUS 6:16

Diau sughang diau nidau pacak mati. Diau adau di terang diau besinagh nian diau nidau pacak dipasighi jemau. Sughang kia nidau kekela nginak Diau ngan nidau pacak ngina'Au. Diaula diregaui, kuasauNyau selelamaunyau! Amin.

IBRANI 11:27

Karnau percayau, mangku Musa ninggalka Mesir, nidau takut dimarai rajau. Diau maju ajau luak nginak Allah diau nidau kina'antu.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.