RUM 1:18 - PEJANJIAN EMPAI CERITAU ILUAK

¹⁸ Jak di sergau Allah nyatauka maraHau karnau dusau ngan keja'atan manusiau. Keja'atantu ngalangi manusiau ngeruani ajaghan diau benagh ceritau Allah.

RUM 1:18 ပူးပေါင်းရင်းမြစ်များ

RUM 1:19

Ughangtu ka diukum, karnau setu diau pacak dikeruani manusiau ceritau Allah la nyatau ngan manusiau, karnau la dinyatauka Allah.

RUM 1:28

Manusiau enggup ngeruani Allah, mangku Allah ngenangka rupu'an ughangtu njadi rusak, mangku ughangtu ngerjauka setu diau nidau pantas.

RUM 1:32

Ughangtu keruan, bansau jemau diau ngerjauka gegalaunyautu pantas diukum mati nurut ukum Allah. Empuak luak itu, ughangtu maju ngerjaukanyau, lagi pulau riang, amun jemau lain ngerjaukanyau pulau.

RUM 2:3

Anyautu kamutu pulau ngerjauka setu diau kamu buruakka ngan jemau. Apu kamu sangkau kamu pacak luput jak di ukuman Allah?

RUM 3:9

Mbak kini luak manau? Tuapau lebihau kitau jemau Yahudi? Nidau bediau lebihau. La kukiciakka, empuak jemau Yahudi empuak jemau bangsau lain, gegalaunyau dikuasaui dusau.

RUM 4:15

Ukum Taurat mbuat manusiau diukum. Anyautu amun nidau bediau peraturan, pelanggaran pulau nidau bediau.

RUM 5:6

Masau kitau gi malas, Keristus la mati batan endak kitau, masau diau ditetapka Allah, awuak kitau jemau ja'at.

RUM 5:9

Apau agi mbak kini, kitau la seilu'an ngan Allah karnau Keristus mati, mangku kitau cengki ka diselamatka jak di ukuman Allah karnau Diau.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

KULUSI 3:6

karnau gegalaunyautu ka ndatangka dawaian Allah ngan jemau diau nidau ta'at.

2 TESALUNIKA 2:10

Diau ka makai gegalau mecam tipuan diau ja'at ngan jemau diau ka benasau. Ughangtu ka benasau nian, karnau ughangtu enggup nerimau, nidau meregaui ceritau benagh jak di Allah diau pacak nyelamatka ughangtu.

2 TESALUNIKA 2:6

Mangku kamuni keruan setu diau na'ani jemautu ngerjauka gegalaunyautu. Nanti masaunyau diau la ditetapka Allah, Jemau Ja'attu ka dinyatauka.