RUM 1:16 - PEJANJIAN EMPAI CERITAU ILUAK

¹⁶ Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

RUM 1:16 ပူးပေါင်းရင်းမြစ်များ

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 9:26

Karnau amun jemau maluan ngaku'i Aku ngan ajaghanKu, Anak Manusiau pulau ka maluan ngaku'i jemau itu, masau Diau ka datang agi nanti ngan kuasauNyau ngan kuasau Bapa'Au ngan malaikat-malaikat suci.

YUHANIS 7:35

Mangku tuau-tuau jemau Yahudi sangi tanyaui, kataunyau, “Jemau ini endak pegi ke manau, mangku kitau nidau pacak betemu ngan Diau? Apu Diau endak pegi njenguak jemau diau merantau bada jemau Yunani endak ngajagh jemau Yunani?

RASUL 3:26

Itula sebapau Allah netapka Buda'Au mangku ngajung Diau datang dulu guak kapu dighi, mangku Diau iluak ngan kapu dighi ngajung kapu dighi ngubai jak di perembak diau ja'at.”

RUM 10:17

Jadi, jemau percayau karnau ndengagh, mangku jemau ndengagh karnau adau diau ngiciakka ceritau Keristustu.

RUM 15:19

ngan kuasau ngan tandau nyelia. Gegalaunyautu karnau kuasau Rua Allah. Luak itula kerjauku di manau-manau, mulai jak di Yerusalim enggut Ilirikum aku ngiciakka gegalau ceritau iluak nceritauka Keristus.

RUM 15:29

Mangku aku keruan, amun aku datang berayak ngan kamu, aku ka mbatak banyak setu diau iluak jak di Keristus.

RUM 2:9

Bilang jemau diau galak ngerjauka diau ja'at ka sengsarau ngan nanggung. Jemau Yahudi kudai mangku jemau Yunani mangku pulau jemau bangsau lain.

RUM 4:11

Sunattu cuman njadi tandau, bansau diau dibenaghka Allah karnau percayau antak ka besunat. Mangku diau njadi bapak gegalau jemau percayau diau nidau besunat, mangku ughangtu dibenaghka karnau percayau.

1 KURINTUS 15:2

Amun kamu nuruti nian setu diau kukiciakka ngan kamu, mangku ceritau iluaktu ka nyelamatka kamu. Amun kamu nidau nurutinyau, nidau bediau gunaunyau kamu njadi jemau percayau.

1 KURINTUS 2:2

Karnau masau aku guak kamu, aku la mutuska nidau endak ngeruani tuapau-apau, lain jak di Yesus Keristus, lagi pulau Diautu mati di kayu salip.

1 KURINTUS 2:4

Ceritau diau kukiciakka ngan kamu nidau kukiciakka ngan katau kepintaran manusiau, anyautu ceritautu kukiciakka ngan carau diau mbuktika kuasau Rua Allah.

1 KURINTUS 9:12

Amun jemau lain behak ngaghapka titu jak di kamu, cengki kami lebia behak jak di ughangtu. Anyautu kami lum nggunauka hak itu. Iluakla aku nanggungka gegalaunyau sangkan ngengalangi ceritau iluak jak di Keristus.

1 KURINTUS 9:18

Amun luak itu, tuapau upaku? Inila upaku: Aku pacak ngiciakka ceritau iluak nidau mintak diupa, karnau nidau makai hakku, amun ngiciakka ceritau iluak.

2 KURINTUS 2:12

Masau aku la sampai di Teruas endak ngiciakka ceritau iluak jak di Keristus, Tuhan la mbukak jalan ngan aku endak bekerjau di bada itu.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

2 KURINTUS 9:13

Karnau keilu'an diau kamu nyataukatu banyak jemau Keristen di Yudia ka muji Allah, karnau nginak kamu ta'at ngan ceritau iluak jak di Keristus diau kamu ikutitu. Ughangtu ka muji Allah pulau, karnau kamu iluak ngan ngenjuak setu diau adau di kamu ngan gegalau jemau.

GALATIA 1:7

Sebenaghau nidau bediau injil lain. Anyautu adau jemau diau ngacauka kamu, endak ngubai ceritau iluak jak di Keristus.

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

1 TIMUTIUS 1:11

Ajaghantu adau di ceritau iluak diau la dipercayauka ngan aku endak dikiciakka. Ceritautu asalau jak di Allah diau agung ngan pantas dipuji.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TIMUTIUS 1:16

Kapu Unesipurus la rajin meriangka atiku. Aku bedu'a, supayau Tuhan iluak ngan diau. Empuak aku di jil, diau nidau maluan ngan setu diau kughasauitu.

2 TIMUTIUS 1:8

Karnau itu jangan kaba takut nceritauka Tuhan kitau ngan jangan pulau maluan aku dijilka karnau bekerjau batan endak Diau, tapitu kaba mesti ngikut sengsarau karnau ceritau iluak. Allah ka nulung kaba.

IBRANI 4:12

Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

1 PITRUS 4:16

Anyautu amun kamu sengsarau karnau Keristus, nidau nanti maluan. Pujila Allah, karnau kamu dikiciakka jemau Keristen.