RUM 1:15 - PEJANJIAN EMPAI CERITAU ILUAK

¹⁵ Itula sebapau aku endak nian ngiciakka ceritau iluaktu pulau ngan kamu diau adau di Rum.

RUM 1:15 ပူးပေါင်းရင်းမြစ်များ

MATIUS 9:38

Karnau itu mintakla ngan jemau ngempu sawa itu, mangku diau ngajung jemau ngetaminyau.”

MARKUS 14:8

Diau la ngerjauka setu diau pacak dikerjaukanyau. Diau la nyediauka Aku ngan minyak ghum batan endak penguburanKu antak ka masaunyau.

YUHANIS 4:34

Katau Yesus, “MakananKu ngerjauka kendak Allah diau ngajung Aku, mangku ngudimi kerjau diau diserakaNyau ngan Aku.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

RUM 10:15

Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RUM 12:18

Kamu mesti beusaha idup damai ngan gegalau jemau.

RUM 15:20

Tujuanku jak di senitu endak ngiciakka ceritau iluak jak di Allah di guak jemau diau lum ndengaghka ceritau Keristustu, karnau aku enggup ndalak untung jak di kerjau jemau.

1 KURINTUS 9:17

Misalau aku ngerjaukanyau ngan kendakku sendighi, nyela aku behak nerimau upa. Anyautu aku ngerjauka titu karnau kewajibanku. Aku diajung Allah batan endak ngerjaukanyau.

2 KURINTUS 8:12

Amun kamu sukau ngenjuak, mangku Allah ka nerimau enju'an kamutu nurut setu diau adau di kamu, ukan nurut setu diau nidau bediau di kamu.