RUM 1:11 - PEJANJIAN EMPAI CERITAU ILUAK

¹¹ Karnau aku endak nian betemu ngan kamu, mangku aku pacak ngenjuakka ngan kamu keilu'an jak di Rua Allah endak neguaka ati kamu.

RUM 1:11 ပူးပေါင်းရင်းမြစ်များ

RASUL 16:5

Mangku jemau percayau di situ diteguaka atiau, supayau maju percayau. Idang aghi tamba banyak jemau diau percayau.

RASUL 19:21

La udim gegalaunyau itu, Paulus merencanauka endak pegi ke Makedunia ngan Akaya mangku ke Yerusalim. Kataunyau, “La udim pegi ke situ, aku mesti pegi pulau ke Rum.”

RASUL 19:6

Penarau Paulus nepiakka tanganau di palak ughangtu, ughangtu dikuasaui Rua Allah, mangku mulai ngiciak ngan basau Rua ngiciakka ceritau Allah.

RUM 1:12

Mangku gegalau kitau diteguaka. Kamu diteguaka karnau nginak aku percayau, aku diteguaka karnau nginak kamu percayau.

RUM 15:23

Anyautu mbak kini kerjauku di daira ini la udim. La lamau aku endak berayak ngan kamu.

RUM 15:29

Mangku aku keruan, amun aku datang berayak ngan kamu, aku ka mbatak banyak setu diau iluak jak di Keristus.

RUM 15:32

Mangku amun Allah ngenda'i, aku pacak berayak ngan kamu ngan riang, mangku aku diteguaka di guak kamu.

RUM 16:25

Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

2 KURINTUS 1:15

Karnau aku yakin nian ngan titu, mangku aku la merencanauka endak berayak ngan kamu, supayau kamu nerimau sayang Allah lebia banyak agi.

2 KURINTUS 1:21

Allah itula diau la mbuat kami ngan kamu seghundak nian ngan Keristus. Diau pulau la milia kitau.

2 KURINTUS 11:4

Rupaunyau kamu riang nerimau jemau diau datang guak kamu ngan ngiciakka ceritau Yesus diau lain, ukan Yesus diau kami kiciakka ngan kamu. Kamu pulau endak nerimau rua ngan ceritau diau lain nian ngan Rua Allah ngan ceritau iluak diau kamu terimau jak di kami.

2 KURINTUS 9:14

Mangku ughangtu ka ndu'aka kamu ngan sayang nian ngan kamu, karnau Allah iluak nian ngan kamu.

PILIPI 1:8

Allah keruan, bansau aku ghindu tegalau ngan kamu ngan sayang diau asalau jak di Yesus Keristus.

PILIPI 2:26

Diau ghindu nian ngan gegalau kamu ngan temas, karnau kamu la ndengagh ceritau diau buidapan.

PILIPI 4:1

Karnau itu, kantin-kantinku diau kusayangi, majula percayau nian ngan Tuhan. Aku ghindu nian ngan kamu. Kamula mbuat aku riang ngan bangga.

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

2 TESALUNIKA 3:3

Tuhan pacak dipercayaui nian. Diau ka neguaka ati kamu ngan njagaui kamu jak di diau ja'at.

IBRANI 13:9

Jangan kamu disesatka ngan bemecam-mecam ajaghan. Ati kitau diteguaka karnau keilu'an Allah, ukan karnau peraturan makanan. Nuruti peraturan makanantu nidau bediau gunaunyau.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

1 PITRUS 5:12

Silas, kantinku diau pacak dipercayaui nulung aku nulis surat diau dikit ini. Aku endak neguaka ngan yakinka kamu, bansau gegalaunyau ini ngenian ceritau keilu'an Allah. Bepautla nian ngan pesan ini.

2 PITRUS 1:12

Karnau itu aku maju ngingatka gegalaunyautu ngan kamu, empuak kamu la ngeruaninyau ngan percayau nian ngan ceritau jak di Allah diau la kamu terimautu.