RASUL 28:31 - PEJANJIAN EMPAI CERITAU ILUAK

³¹ Ngan beghani diau ngiciakka ngan ughangtu ceritau Allah endak merinta ngan ceritau Tuhan Yesus Keristus. Paulus ngerjaukanyau ngan bibas, nidau dialang-alangi.

RASUL 28:31 ပူးပေါင်းရင်းမြစ်များ

MATIUS 4:23

Yesus ngidari gegalau daira Galilia. Diau ngajagh di ghuma-ghuma sembayang ngiciakka ceritau iluak, bansau Allah endak merinta. Diau pulau meghadui gegalau jemau buidapan ngan jemau cacat.

MARKUS 1:14

Yuhanis la dijilka, mangku Yesus pegi ke Galilia ngiciakka ceritau iluak jak di Allah.

LUKAS 8:1

Nidau lamau udim itu, Yesus pegi ke kuta-kuta ke dusun-dusun ngiciakka ceritau iluak, bansau Allah laka merinta. Duau belas anak-buaHau ngikut serempak ngan Diau.

RASUL 1:3

La udim Diau mati, Diau ngancakka diriAu ngan rasul itu, mangku ngan banyak carau Diau mbuktika, bansau Diau idup nian. Selamau empat pulua aghi Diau rajin ngancakka diriAu ngan nceritauka luak manau kekuasauan Allah.

RASUL 20:25

Aku la nandangi kapu dighi galau ngan la ngiciakka pulau ceritau Allah merinta njadi Rajau. Mbak kini keruanila, kapu dighi nidau ka betemu agi ngan aku.

RASUL 23:11

Malamautu Tuhan betegak guak Paulus ngan bekatau, “Teguakala ati kaba, karnau luak kaba la ngiciakka ceritau Aku di Yerusalim ngan beghani, luak itu pulau kaba mesti ngiciakkanyau nanti di Rum.”

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

RASUL 28:30

Paulus nunggu ghuma siwahannyautu selamau duau taun. Diau nerimau gegalau jemau diau tandang ngan diau.

RASUL 4:29

Mbak kini, Tuhan, kina'ila luak manau ughangtu ngancam kami. Beghanikala kami diau njadi budak Dighi ngiciakka ceritau Dighi.

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RASUL 5:42

Mangku idang aghi ughangtu maju ngajagh, empuak di Ghuma Allah empuak di ghuma jemau, ngiciakka ceritau Yesus, Diaula Almasih ngan Rajau Penyelamat.

RASUL 8:12

Mbak kini ughangtu percayau ngan Pilipus diau ngiciakka ceritau Allah njadi rajau ngan ceritau Yesus Keristus, Rajau Penyelamat, mangku ughangtu, tinau lanang mintak dibaptis.

PILIPI 1:14

Karnau aku dijilka, banyak jemau Keristen di sini tamba percayau ngan Tuhan, mangku tamba beghani ngiciakka katau Allah ngan nidau takut.

2 TIMUTIUS 2:9

Ikak ngiciakka ceritau iluaktu aku sengsarau, lagi dirantai luak bandit. Anyautu katau Allah nidau pacak dirantai.

2 TIMUTIUS 4:17

Anyautu Tuhan la nulung ngan neguaka aku, mangku aku pacak ngiciakka gegalau ceritau iluak itu, mangku didengagh gegalau jemau diau ukan jemau Yahudi. Mangku aku luput jak di ukuman mati.