RASUL 20:38 - PEJANJIAN EMPAI CERITAU ILUAK

³⁸ Ughangtu kemada'an nian, karnau diau ngiciak, ughangtu nidau ka betemu ngan diau agi. Mangku ughangtu ngantat diau ke kapal.

RASUL 20:38 ပူးပေါင်းရင်းမြစ်များ

RASUL 15:3

Jemau Keristen di Antiukia ngantat ughangtu sampai keluagh kuta, mangku ughangtu pegi wuan Penisia ngan Samaria. Di situ ughangtu nceritauka, mbak bansau jemau bangsau lain diau nidau keruan Allah la percayau ngan Allah. Ceritau itu meriangka nian jemau percayau di situ.

RASUL 20:25

Aku la nandangi kapu dighi galau ngan la ngiciakka pulau ceritau Allah merinta njadi Rajau. Mbak kini keruanila, kapu dighi nidau ka betemu agi ngan aku.

RASUL 21:16

Adau bebeghapau jemau percayau jak di situ pegi pulau serempak ngan kami. Ughangtu ngantat kami ke ghuma Manasun. Diautu jemau Siprus ngan la lamau jugau percayau. Kami ka numpang di ghumahau.

RASUL 21:5

Anyautu la abis masaunyau, kami pegi jak di situ melajuka pejalanan kami. Gegalau ughangtu ngan anak-biniau ngantat kami inggan luagh kuta. Di tepi pantai di situ kami nunduak galau ngan bedu'a.

RASUL 25:26

Anyautu lum bediau setu diau mesti kutulis ngan Kaisar ceritau diau. Itula sebapau aku ngadapka diau ngan gegalau kapu dighi, petamau ngan dighi, rajau Agripa, supayau la udim diau diperisau, adau setu diau pacak kutulis.

1 KURINTUS 16:11

Jangan adau diau nidau meregauinyau. Tulungla diau melajuka pejalanannyau ngulang guak aku ngan selamat. Aku nunggu diau datang serempak ngan kantin-kantin kitau diau lain.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.