PILIPI 3:19 - PEJANJIAN EMPAI CERITAU ILUAK

¹⁹ Idup jemau luak itu ka benasau, karnau serilau ughangtu njadi tuanau. Setu diau maluka itu dibanggaka ughangtu. Ughangtu maju merupuakka setu di deniauni ajau.

PILIPI 3:19 ပူးပေါင်းရင်းမြစ်များ

MATIUS 16:23

Yesus nulia mangku bekatau ngan Pitrus, “Laratla iblis! Kaba ngalangi Aku. Rupu'an kabatu rupu'an manusiau, ukan rupu'an Allah.”

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

LUKAS 12:19

La udim itu aku ka berupuak, Kaba la lemak, gegalaunyau la adau galau, la telungguak batan endak betaun-taun nidau ka abis. Mbak kini tigha kari gheghadu, tiduak makan ngan beriang-riang!’

LUKAS 16:19

“Adau sughang jemau kayau. Diau bebaju alap diau besak regaunyau. Idupau bereruyalan idang aghi.

LUKAS 18:4

Empai penembai akimtu enggup nulung randau itu. Anyautu udim-udimau akimtu berupuak, ‘Empuak aku nidau takut ngan Allah lagi nidau nyanauka jemau,

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

RUM 6:21

Mangku tuapau asilau? Gegalaunyau maluka kamu mbak kini. Kerjau itu cuman mbatak mati.

1 KURINTUS 3:3

karnau kamu gi idup nurut serilau manusiau. Amun kamu gi sengit ngan belagau sughang ngan diau lain, apu titu ukan mbuktika, bansau kamu masia dikuasaui serilau manusiau, gi idup luak jemau deniauni?

1 KURINTUS 5:2

Empuak luak itu, kamu masia langguak. Semestiau kamu bingung ngan maluan, mangku melinsi jemau diau ngerjauka titu jak di guak kamu.

1 KURINTUS 5:6

Nidau pantas kamu langguak. Asauku kamu la keruan, bansau ghagi dikit ngembangka gegalau lejuan.

2 KURINTUS 11:12

Setu diau kukerjauka mbak kini ka maju kukerjauka, supayau rasul diau lainautu nidau bediau tapakan endak muji diriau ngan ngiciakka, bansau ughangtu bekerjau ngan carau luak kami.

2 KURINTUS 11:15

Mangku nidau nanti kemangan, amun anak-bua iblis luluak anak-bua Allah. Udim-udimau ughangtu ka nerimau balasan diau setimpal ngan kerjaunyautu.

GALATIA 6:13

Jemau diau ngikut peraturan sunat nidau pulau nuruti ukum Taurat. Ughangtu endak, supayau kamu disunat, mangku ughangtu pacak mbanggaka diriau, bansau kamu nuruti peraturantu.

PILIPI 2:21

Gegalau jemau lainau cuman ngerjauka kepentingan diriau ajau, ukan kepentingan Yesus Keristus.

KULUSI 3:2

Rupuakkala setu diau adau di sergau, jangan setu diau adau di deniau.

2 TESALUNIKA 1:9

Ughangtu ka benasau selelamaunyau, dicapakka keluagh jak di guak Tuhan, jak di kuasauNyau diau agung.

2 TESALUNIKA 2:12

Ikak itula gegalau jemau diau nidau percayau ngan setu diau benagh, galak mbuat ja'at ka diukum.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

1 TIMUTIUS 6:5

becelikaian diau nidau udim-udim. Rupu'an ughangtu la buntu, nidau agi benagh. Ughangtu sangkau pacak kayau jak di agamau.

2 TIMUTIUS 3:4

nidau pacak dipercayaui, nidau panjang rupu'an, kiciak besak, galakla nuruti serilau deniau sangkan nuruti kendak Allah.

YAKUBUS 4:16

Anyautu mbak kini kamu geduak ngan kiciak besak. Gegalau kici'an luak itu sala.

2 PITRUS 2:1

Masau baghini la adau cak nabi di guak umat Allah. Luak itu pulau di guak kamu ka adau guru diau nyesatka. Ughangtu ka ngajaghka ajaghan diau nidau benagh diau mbenasauka jemau. Ughangtu nidau ngaku'i penguasau diau la nebus ughangtu. Ngan carau luak itu ughangtu sala sendighi, sangkan cepat diukum.

2 PITRUS 2:13

Ughangtu ka sengsarau karnau upa keja'atan. Ughangtu ngerjauka tuapau kila diau melemakka atiau, dikerjauka aghi siang endak nuruti serilaunyau ajau. Amun ughangtu duduak ngan kamu di jamuan, ughangtu maluka karnau mabuak ngan serilau.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.

YUDAS 1:10

Anyautu ughangtu nggelakka gegalaunyau diau nidau ughangtu keruani. Ughangtu semegi ngan benatang diau nidau berupu'an diau ngikut serilaunyau ajau. Ikak itula ughangtu benasau.

YUDAS 1:16

Ughangtu maju bejijia ajau ngan nyempit karnau penanggungannyau. Ughangtu idup nurut serilau. Ughangtu muji diriau ngan cak iluak, supayau dapat untung.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

PENGINA'AN 18:7

Enjuakka ngan diau penanggungan ngan dukau sebanyak keagungannyau ngan kekayauannyau diau la dighasaukanyautu, karnau diau la ngiciak dalam atiau, ‘Aku ratu diau bekuasau! Aku ukan randau. Aku nidau kekela ka kemada'an.’

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.