PILIPI 2:13 - PEJANJIAN EMPAI CERITAU ILUAK

¹³ Allahtu maju bekerjau dalam ati kamu, mangku kamu sukau ngan pacak ngerjauka kenda'Au.

PILIPI 2:13 ပူးပေါင်းရင်းမြစ်များ

LUKAS 12:32

“Nidau nanti penakut, ui kamu diau dikit jemaunyau, karnau Bapak kamu riang njadika kamu rajau luak Diau.

LUKAS 2:14

“Tepujila Allah di bada diau Mahatinggi. Di deniau damai guak jemau diau melemakka ati Allah.”

YUHANIS 3:27

Yuhanis nimbal, kataunyau, “Sughang kia nidau pacak ngambiak tuapau-apau, amun nidau dienju'i Allah.

YUHANIS 6:45

Dalam kitab nabi-nabi ditulis luak ini: ‘Gegalau jemau ka diajagh Allah.’ Mangku jemau diau ndengagh Bapak ngan belajagh jak di Diau, jemautu ka datang njenguak Aku.

YUHANIS 6:65

Mangku Yesus bekatau agi, “Itula sebapau la Kukatauka ngan kapu dighi, nidau bediau sughang kia diau pacak datang njenguak Aku, amun nidau ditulung Bapak.”

RASUL 11:21

Kuasau Tuhan adau di ughangtu, mangku banyak jemau njadi percayau ngan ta'at ngan Tuhan.

RUM 12:3

Allah la ngenjuakka pengertian ngan aku, mangku aku ngici'i gegalau kamu, jangan nganggap diri kamu lebia jak di sebenaghau. Anyautu kamu mesti merupuakka diri kamu ngan ngensian, bilang ughang nurut kesanggupan percayau diau dienjuakka Allah ngan kamu.

RUM 9:11

Antak ka duau ana'autu adau, Allah la milia sughang. Pilian Allah nidau bepaut ngan kerjau manusiau, tapitu bepaut ngan kendak Allah, karnau masau itu duau ughangtu lum pacak ngerjauka tuapau-apau, apu diau iluak apu diau ja'at.

RUM 9:16

Mangku pilian Allah nidau tepaut ngan kendak ngan kerjau jemau, tapitu ngan keilu'an Allah.

1 KURINTUS 12:6

Mangku adau bemecam-mecam carau ngerjauka kerjautu. Anyautu diau ngenjuakka kuasau ngan bilang jemau batan endak gegalaunyautu, itu Allah diau gi sughang itula.

1 KURINTUS 15:10

Anyautu karnau keilu'an Allah aku njadi luak aku mbak kini. Mangku nidau rugi Allah iluak ngan aku. Aku la bekerjau mati-matian nian jak di gegalau ughangtu. Sebenaghau ukan aku diau ngerjauka titu, tapitu Allah diau nyayangi ngan nulungi aku.

2 KURINTUS 3:5

Amun kamini ajau, kami nidau sanggup ngerjauka kerjau itu. Anyautu Allah diau nyanggupka kami.

IPISUS 1:11

Allah ngerjauka gegalaunyautu nurut kenda'Au diau ditetapka jak di senitu. Jak di penembai Diau la milia kitau njadi umatAu, karnau seghundak ngan Keristus.

IPISUS 1:5

mangku Diau la netapka jak di senitu, supayau kitau dijadika ana'Au karnau Yesus Keristus, nyela titu kenda'Au.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

2 TESALUNIKA 1:11

Itula sebapau kami maju du'aka kamu, supayau Allah njadika kamu pantas idup nuruti kenda'Au, karnau batan endak itula kamu dipilia. Kami bedu'a, supayau Allah ngan kuasauNyau nulung kamu endak ngerjauka setu diau iluak diau endak kamu kerjauka, karnau percayau ngan Keristus.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.