PILIPI 1:20 - PEJANJIAN EMPAI CERITAU ILUAK

²⁰ Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

PILIPI 1:20 ပူးပေါင်းရင်းမြစ်များ

YUHANIS 21:19

Ngan kici'an luak itu tadi Yesus nunjuakka carau Pitrus ka mati endak ngagungka Allah. La udim ngiciak luak itu, katau Yesus ngan Pitrus, “Ikutkala Aku!”

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

RASUL 4:31

La udim ughangtu bedu'a, bada ughangtu betunggal begugak, gegalau ughangtu dikuasaui Rua Allah, mangku ughangtu ngiciakka ceritau Allah ngan beghani nianan.

RUM 12:1

Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

RUM 6:19

Karnau kamu segau ngerti, aku endak ngiciakka cuntau idup idang aghi. Senitu kamu nyeraka diri kamu njadi budak setu diau nidau senangaian ngan tamba ja'at mangku ngerjauka keja'atan. Luak itu pulau mbak kini kamu mesti nyeraka gegalau diri kamu njadi budak Allah mangku ngerjauka setu diau beresia.

RUM 8:19

Gegalau setu diau dijadika nunggu nian masau Allah ngancakka anak-ana'Au.

RUM 9:33

Ceritau batutu la ditulis dalam Injil luak ini, “Keruanila, di Siun la Kutepiakka sebua batu diau mbuat jemau tuantuak ngan telabua. Mangku bilang jemau diau percayau ngan Diau nidau ka dimaluka.”

1 KURINTUS 15:31

Idang aghi aku ngadapi maut. Aku ngiciakka luak ini, karnau aku bangga ngan idup kamu, karnau kamu la percayau ngan Yesus Keristus, Tuhan kitau.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

1 KURINTUS 7:34

Mangku rupu'annyau tebagi-bagi. Sughang tinau diau nidau belaki ngan budak gadis ka merupuakka kerjau Tuhan, karnau diau endak, supayau gegalau idupau njadi hak Allah. Tinau diau la belaki banyak merupuakka deniauni, karnau endak melemakka ati lakiau.

2 KURINTUS 10:8

Aku nidau maluan, amun aku lebia mbanggaka kuasau diau dienjuakka Tuhan ngan kami, karnau kuasau itu dienjuakka batan endak neguaka kamu, ukanau batan endak mbenasauka kamu.

2 KURINTUS 3:12

Karnau kami adau aghapan luak itu, mangku kami beghani ngiciak luak itu.

2 KURINTUS 4:10

Kami maju meghasauka kematian Yesus di badan kami, mangku idupAu pulau ka nyatau di badan kami.

2 KURINTUS 5:15

Keristus la mati batan endak gegalau jemau, mangku jemau diau idup nidau agi idup batan endak diriau, tapitu batan endak Keristus diau la mati ngan la diidupka agi batan endak ughangtu.

2 KURINTUS 7:14

Aku la mbanggaka kamu ngan diau. Terimau-kasia kamu nidau maluka aku. Gegalaunyau diau la kami kiciakka ngan kamu benagh. Luak itu pulau setu diau kami banggaka ngan Titus ceritau kamu tenyatau benagh.

2 KURINTUS 7:4

Aku percayau nian ngan kamu, aku bangga nian karnau kamu. Empuak kami meghasauka banyak penanggungan, atiku diriangka karnau kamu, mangku aku riang nian.

PILIPI 1:14

Karnau aku dijilka, banyak jemau Keristen di sini tamba percayau ngan Tuhan, mangku tamba beghani ngiciakka katau Allah ngan nidau takut.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

1 TESALUNIKA 5:23

Aku bedu'a, supayau Allah ngenjuakka kamu damai ngan njadika kamu jemau diau idup nian batan endak Allah. Aku bedu'a, supayau Allah njagaui gegalau idup kamu, rua ngan jiwa kamu, mangku amun Tuhan kitau Yesus Keristus datang agi, kamu nidau bediau cacatau.

1 PITRUS 4:16

Anyautu amun kamu sengsarau karnau Keristus, nidau nanti maluan. Pujila Allah, karnau kamu dikiciakka jemau Keristen.

1 YUHANIS 2:28

Mangku, ui anak-buaku, majula seghundak ngan Keristus, mangku amun Diau datang nanti, kitau nidau takut ngadap Diau ngan nidau nanti nyemuni karnau maluan.