PILEMUN 1:9 - PEJANJIAN EMPAI CERITAU ILUAK

⁹ Anyautu karnau kitau sangi sayangi, iluakla aku mintak ajau. Akuni la tuau, lagi pulau mbak kini dalam jil karnau Yesus Keristus.

PILEMUN 1:9 ပူးပေါင်းရင်းမြစ်များ

RUM 12:1

Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

2 KURINTUS 5:20

Kamini diajung Keristus. Mangku amun kami ngiciak, itu luak Allah ngiciak ngan kamu. Atas namau Keristus kami mintak nian, terimaula kasia Allah diau mbuat kamu seilu'an ngan Diau.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

GALATIA 3:26

Gegalau kamu la percayau ngan Yesus Keristus, mangku kamu la seghundak ngan Diau ngan njadi anak-anak Allah.

IPISUS 3:1

Itula sebapau akuni, Paulus, dijilka karnau Yesus Keristus batan endak kepentingan kamu diau ukan jemau Yahudi.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

IPISUS 6:20

Aku njadi ajungan batan endak ceritau iluak itu, mbak kini aku dalam jil. Du'akala aku, mangku aku beghani ngiciakka ceritau iluaktu, luak aku mesti ngiciakkanyau.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.

TITUS 2:2

Jemau lanang diau la tuau mesti idup tau diri, bepengertian, luak jemau diau pantas diregaui. Ughangtu mesti percayau ngan Allah ngan carau diau benagh, nyayangi jemau ngan ta'an sengsarau ngan ngaligh.

IBRANI 13:19

Lagi aku mintak nian, supayau kamu ndu'aka aku, mangku aku pacak cepat ngulang guak kamu.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.