PENGINA'AN 9:20 - PEJANJIAN EMPAI CERITAU ILUAK

²⁰ Anyautu jemau lain diau lum mati karnau sengsarautu, nidau nian ngubai jak di kerjaunyau. Ughangtu nidau mandak nyemba iblis, patung jak di emas, pirak, tembagau, batu ngan kayu diau nidau pacak nginak ngan ndengagh ngan bejalan.

PENGINA'AN 9:20 ပူးပေါင်းရင်းမြစ်များ

MATIUS 21:32

Karnau Yuhanis Pembaptis datang nunjuakka ngan kapu dighi carau idup diau dikenda'i Tuhan. Anyautu kapu dighi enggup percayau ngan ajaghannyau. Tapitu tukang tagia cuki ngan tinau pelacur percayau ngan diau. Empuak kapu dighi la nginak gegalaunyau itu, kapu dighi nidau kila ngubai rupu'an ngan nidau percayau ngan diau.”

RASUL 17:29

Karnau asal kitau jak di Allah, kitau nidau bulia nganggap sipat Allah semegi ngan patung diau dibuat jak di emas, pirak ngan batu, diau dibuat ngan kepandaian manusiau.

RASUL 19:26

Mbak kini kamu la nginak ngan ndengagh galau setu diau dikerjauka Paulus itu. Diau ngiciakka, bansau diwau diau dibuat jemau ukan diwau ngan nidau bediau kuasau. Mangku diau la buasil mbuat banyak jemau percayau ngan ajaghannyautu, ukan cuman di Ipisus, tapitu laka di gegalau Asia pulau.

RASUL 7:41

Masau itu ughangtu mbuat sikuak anak sapi, mangku bekerban ngan patung itu ngan keriangan lagi ngagungka buatan diau dibuat ughangtu.

2 KURINTUS 12:21

Aku ghegak, amun aku datang nanti, Allah ka mbuat aku maluan karnau kamu. Mangku aku ka nangis, karnau banyak jak di kamu diau bedusau senitu lum ngubai jak di kerjaunyau diau kumua, menaugawia ngan nidau senangaiantu.

1 TIMUTIUS 4:1

Rua Allah ngiciakka nian, bansau nanti ka adau jemau diau ngelipat, nidau agi ngikut Yesus. Ughangtu ka ngikut rua ja'at diau nyesatka ngan ngikut ajaghan iblis.

PENGINA'AN 15:1

La udim itu aku nginak tandau lain agi di langit diau besak ngan nyelia. Adau tujua malaikat ngan tujua sengsarau diau mendian. Inila pengabisan mara Allah.

PENGINA'AN 16:8

Udim itu malaikat diau keempat nuangka isi panau ke matau-aghi, dienjuakka kuasau endak mutungka jemau ngan api.

PENGINA'AN 9:19

Kuasau kudautu adau di mulutau ngan di iku'au. Iku'au luak ulagh. Ngan palak ulaghtu diau nyiksau manusiau.

PENGINA'AN 9:21

Ughangtu nidau ngubai jak di kerjau kuasau gelap, mbunua, menaugawia ngan maling.