PENGINA'AN 8:3 - PEJANJIAN EMPAI CERITAU ILUAK

³ Mangku adau sughang malaikat agi mbatak bada keminyan emas. Diau datang betegak guak mija bada bekerbantu, dienjuakka banyak keminyan endak dikerbanka di bada bekerban emas diau di adapan kerusi rajautu serempak ngan du'a gegalau jemau diau la njadi hak Allah.

PENGINA'AN 8:3 ပူးပေါင်းရင်းမြစ်များ

LUKAS 1:10

Keminyantu dang disilap, gegalau jemau betunggal di luagh endak sembayang.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

IBRANI 9:4

Di bada itu adau mija bekerban jak di emas bada nyilapka keminyan. Mangku adau pulau Peti Pejanjian diau dilapisi emas galau. Dalam petitu adau guci emas buisi Mana, ruti jak di sergautu, ngan tungkat Harun diau la betunas, mangku pulau duau bua batu tulis diau ditulisi perinta Allah.

PENGINA'AN 10:1

Mangku aku nginak sughang malaikat agi diau kuat, tughun jak di sergau ditukupi aban. Di tipatan pala'au adau ghunia. Dayiau luak matau-aghi. Ketingau luak tiang api.

PENGINA'AN 14:18

Mangku adau malaikat lain agi datang jak di mija bada bekerban. Diau nguasaui api. Diautu tegauk ngan suarau nyaghing ngiciak ngan malaikat diau adau pisau tajamtu, kataunyau, “Ayunkala pisau diau tajam tadi, tetakla bua anggur di deniau, karnau buatu la masak.”

PENGINA'AN 5:8

Diau dang ngambiak gulungantu, empat benatang ngan duau pulua empat tuau-tuau itu nunduak di adapan Anak Bebiritu. Bilang ughangtu ngecakka kecapi ngan pan emas diau buisi keminyan, itu du'a-du'a jemau diau la njadi hak Allah.

PENGINA'AN 6:9

La udim itu Anak Bebiritu mbukak sigil diau kelimau. Mangku aku nginak di bawa bada bekerban adau jemau diau dibunua karnau ta'at ngan ngiciakka katau Allah.

PENGINA'AN 7:2

Mangku aku nginak sughang malaikat lainau datang jak di sebela matau-aghi idup. Malaikattu mbatak tandau jak di Allah diau idup. Ngan suarau bias diau bekatau ngan empat malaikat tadi diau diajung merusakka deniau ngan laut.

PENGINA'AN 8:4

Mangku asap keminyan nayiak jak di tangan malaikattu ke adapan Allah serempak ngan du'a jemau diau la njadi hak Allah.

PENGINA'AN 8:5

La udim itu malaikattu ngambiak bada keminyantu dimasuakkanyau api jak di mija bada bekerban tadi, mangku diumbanka ke deniau. Mangku adau muni gurua besak ngan kilat nyelanyar, mangku adau gempau.

PENGINA'AN 9:13

La udim itu malaikat diau keenam ngembus terumpitau, mangku aku ndengagh suarau jak di empat tanduak di bada bekerban jak di emas diau adau di adapan Allah