PENGINA'AN 8:10 - PEJANJIAN EMPAI CERITAU ILUAK

¹⁰ La udim itu malaikat diau ketigau ngembus terumpitau, mangku sutiak bintang besak diau maghak luak ubur tumban jak di langit, ninggang bagi tigau sebagi jak di ayiak batang-aghi ngan matau-ayiak.

PENGINA'AN 8:10 ပူးပေါင်းရင်းမြစ်များ

MATIUS 25:1

“Amun Allah merinta luak rajau nanti, keadaannyau luak cuntau ceritau ini. Adau sepulua ughang gadis ngambiak lampu, mangku pegi nyungsung pengantinan.

LUKAS 10:18

Yesus nimbal, “Aku nginak pengulu iblis umban jak di langit luluak kilat.

YUDAS 1:13

Luak umbak besak diau nimbulka buwia diau kumua, luak itula ughangtu mbuwiaka perembak diau maluka. Ughangtu luak bintang diau sesat. Batan endak ughangtu la disediauka Allah bada di keleman nian enggut selelamaunyau.

PENGINA'AN 1:20

Mangku inila resiau tujua bintang diau kaba kinak di tangan kananKu ngan tujua tiang lampu emas ini: Tujua bintangtu malaikat jemau Keristen di tujua bada. Mangku tujua tiang lamputu tujua bada jemau Keristentu.”

PENGINA'AN 12:4

Iku'au naghiak bagi tigau sebagi jak di bintang di langit, mangku diumbankanyau ke deniau. Nagautu betegak di guak tinau diau endak merunggutu endak makan Ana'au, amun Diau la adau.

PENGINA'AN 14:7

Malaikattu tepekiak ngan suarau bias, “Takutla ngan Allah ngan agungka Diau, karnau la sampai masau Allah ngukum manusiau. Sembala Allah diau njadika langit ngan deniau ngan laut ngan gegalau matau-ayiak.”

PENGINA'AN 16:4

Udim itu malaikat diau ketigau nuangka isi panau ke ayiak batang-aghi ngan matau ayiak, mangku gegalau ayiak njadi dagha.

PENGINA'AN 6:13

Mangku bintang di langit tumbanan ke deniau luak bua aghau tumbanan gi mata, amun digugak angin nyaghu.

PENGINA'AN 8:7

Malaikat diau petamau ngembus terumpitau, mangku adau ujan es ngan api beundak dagha pulau. Gegalaunyautu diumbanka ke deniau. Mangku bagi tigau sebagi jak di deniau mutung, mangku bagi tigau sebagi jak di kekayuan mutung pulau ngan gegalau gheghumputan diau ijang mutung galau.

PENGINA'AN 9:1

La udim itu malaikat diau kelimau ngembus terumpitau, mangku aku nginak sutiak bintang tumban jak di langit ke deniau, mangku dienjuakka ngan diau anak kunci jurang maut,

PENGINA'AN 9:15

Mangku dilegha'i empat malaikattu diau la ditetapka masaunyau, jam, aghi, bulan ngan taun itu, endak mbunua bagi tigau sebagi jak di gegalau manusiau.

PENGINA'AN 9:18

Jak di tigau sengsarautu dibunua bagi tigau sebagi jak di gegalau manusiau, karnau api ngan asap ngan belirang diau ngeluagh jak di mulutautu.