PENGINA'AN 6:12 - PEJANJIAN EMPAI CERITAU ILUAK

¹² La udim itu aku nginak Anak Bebiritu mbukak sigil diau keenam. Mangku adau gempau besak. Matau-aghi njadi itam luak kain itam. Bulan njadi abang luak dagha.

PENGINA'AN 6:12 ပူးပေါင်းရင်းမြစ်များ

MATIUS 11:21

“Celakaula kamu, jemau Kurasim! Celakaula kamu, jemau Betsaida. Misalau tandau nyelia diau dikerjauka guak kamu dikerjauka di Tirus ngan Sidun, cengki ughangtu la lamau ngubai peremba'au jak di dusaunyau ngan mbaduki pala'au.

MATIUS 24:29

“Nidau lamau udim sengsarau masau itu, langit ka kacau-balau. Matau-aghi ka njadi keleman, bulan nidau ka besinagh agi ngan bintang-bintang ka umban jak di langit.

MATIUS 24:7

Bangsau ka melawan bangsau, nenggeri diau sutiak melawan nenggeri diau lain. Ka adau kelapaghan ngan gempau di manau-manau.

MATIUS 27:45

Aghitu tengaghi daira itu keleman galau selamau tigau jam.

MATIUS 27:54

Kumandan tentera ngan tenterahau diau dang njagaui Yesus nginak gempau ngan gegalau diau tejadi itu, mangku penakut nian ngan bekatau, “Nyela nian, Diauni Anak Allah.”

MATIUS 28:2

Mangku adau gempau diau besak. Mangku sughang malaikat Tuhan tughun jak di sergau ngguliakka batu penukuptu ngan duduak di pucu'au.

MARKUS 15:33

Masau tengaghi gegalau daira njadi keleman selamau tigau jam.

PENGINA'AN 11:13

Masau itu pulau adau gempau besak, mangku bagi sepulua sebagi jak di kuta itu runtua. Tujua ribu ughang mati karnau gempautu. Jemau lain takut kematila mangku ngagungka Allah di sergau.

PENGINA'AN 16:18

Mangku nyelanyar kilat ngan gelugur gurua, mangku adau gempau diau besak luak lum kekela adau jak manusiau adau di deniau. Besak kematila gempautu.

PENGINA'AN 16:8

Udim itu malaikat diau keempat nuangka isi panau ke matau-aghi, dienjuakka kuasau endak mutungka jemau ngan api.

PENGINA'AN 8:12

La udim itu malaikat diau keempat ngembus terumpitau, mangku bagi tigau sebagi jak di matau-aghi ngan bulan padam, mangku bagi tigau sebagi jak di bintang padam pulau. Mangku aghi siang bagi tigau sebagi nidau terang, luak itu pulau aghi malam.

PENGINA'AN 8:5

La udim itu malaikattu ngambiak bada keminyantu dimasuakkanyau api jak di mija bada bekerban tadi, mangku diumbanka ke deniau. Mangku adau muni gurua besak ngan kilat nyelanyar, mangku adau gempau.