PENGINA'AN 5:9 - PEJANJIAN EMPAI CERITAU ILUAK

⁹ Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.

PENGINA'AN 5:9 ပူးပေါင်းရင်းမြစ်များ

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

1 KURINTUS 7:23

Kamu la dibeli, regaunyau la dibayighi galau. Karnau itu, jangan kamu njadi budak manusiau.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 5:19

Amun ngiciak ngan kantin, kiciakkala katau masmur, pujian ngan nyanyian ruhani. Nyanyila ngagungka Tuhan ngan ati riang.

KULUSI 1:14

Karnau Diau kitau la ditebus, retiau dusau kitau la diabiska.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

IBRANI 11:14

Jemau diau ngiciak luak itu nyatauka, bansau diau dang ndalak bada diau njadi ha'au.

2 PITRUS 2:1

Masau baghini la adau cak nabi di guak umat Allah. Luak itu pulau di guak kamu ka adau guru diau nyesatka. Ughangtu ka ngajaghka ajaghan diau nidau benagh diau mbenasauka jemau. Ughangtu nidau ngaku'i penguasau diau la nebus ughangtu. Ngan carau luak itu ughangtu sala sendighi, sangkan cepat diukum.

1 YUHANIS 1:7

Anyautu amun kitau idup dalam terang, luak Allah adau dalam terang, kitau idup suijauan sughang ngan diau lain, mangku dagha Yesus, Ana'Au, mbasua kitau jak di gegalau dusau.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

PENGINA'AN 10:11

Mangku dikiciakka agi ngan aku, “Kaba mesti ngiciakka katau Allah agi ceritau setu diau ka tejadi ceritau banyak bangsau, pemili, basau ngan rajau.”

PENGINA'AN 11:9

Jemau jak di gegalau bangsau ngan jungku ngan basau ngan pemili nginak mayatau selamau tenga empat aghi, mangku nidau ngajung mayattu dikuburka.

PENGINA'AN 13:7

Mangku diau dibuliaka pulau melawan jemau diau la njadi hak Allah mangku dikalakanyau. Diau dienjuakka kuasau nguasaui bilang jungku, nenggeri, bangsau ngan basau.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 14:6

Mangku aku nginak sughang malaikat lain terbang tinggi di langit. Di diau adau ceritau iluak diau selelamaunyau batan endak dikiciakka ngan jemau diau adau di deniau, gegalau bangsau ngan jungku ngan basau ngan pemili.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.

PENGINA'AN 17:15

Mangku malaikattu bekatau agi ngan aku, “Gegalau ayiak diau kaba kinak, bada pelacurtu duduak, titu gegalau bangsau ngan jemau banyak ngan pemili ngan basau.

PENGINA'AN 4:11

“Ui Tuhan, Allah kami! Dighi ajau diau pantas dipuji ngan diregaui ngan bekuasau, karnau Dighi la njadika gegalaunyau. Karnau kendak Dighila gegalaunyau adau mangku idup.”

PENGINA'AN 5:12

Malaikattu benyanyi ngan suarau bias, “Anak Bebiri diau disembeliatu pantas ngan behak nerimau kuasau ngan kekayauan ngan pengertian ngan kekuatan. Diautu pantas diregaui ngan diagungka ngan dipuji!”

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.