PENGINA'AN 5:6 - PEJANJIAN EMPAI CERITAU ILUAK

⁶ La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 5:6 ပူးပေါင်းရင်းမြစ်များ

LUKAS 1:69

Mangku Diau ngenju'i kitau sughang Penyelamat diau bekuasau jak di pengadau Daud, buda'Autu,

YUHANIS 1:29

Pagi di aghiau Yuhanis nginak Yesus datang njenguak diau, mangku Yuhanis bekatau, “Kina'ila, itu Anak Bebiri diau disediauka Allah endak ngabiska dusau deniau.

YUHANIS 1:36

Satu nginak Yesus lalu, diau bekatau, “Kina'ila, inila Anak Bebiri diau disediauka Allah!”

RASUL 8:32

Diau dibacaunyautu muniau luak ini, “Luak sikuak bebiri Diau ditaghiak endak disembelia. Luak anak bebiri Diau nidau ngembiak, amun buluau digunting, luak itula Diau nidau ngiciakka sepata katau kia.

PENGINA'AN 1:4

Ngan kantin-kantin jemau Keristen diau di tujua kuta di daira Asia Keciak aku, Yuhanis, nulis ini. Aku bedu'a, supayau kamu meghasauka keilu'an ngan damai jak di Allah. Allahtu la adau jak di senitu enggut mbak kini ngan maju ka adau. Keilu'an ngan damaitu pulau jak di tujua rua diau adau di adapanNyau

PENGINA'AN 12:11

Ughangtu la ngalaka diau ngan dagha Anak Bebiritu, dikalaka ngan ceritau iluak jak di Allah diau dikiciakka ughangtu. Ughangtu rila nyeraka nyawaunyau enggut mati.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 14:1

Mangku aku nginak, tekinak Anak Bebiri betegak di bukit Siun. Guak Diau adau seratus empat pulua empat ribu jemau. Di kening ughangtu ditulis namau Bebiritu ngan namau Bapa'Au.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 21:22

Aku nidau tekinak Ghuma Allah di kuta itu, karnau Ghuma Allahtu Tuhan itula, Allah diau Mahakuasau ngan Anak Bebiri itu.

PENGINA'AN 21:23

Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.

PENGINA'AN 22:1

Mangku malaikattu nunjuakka ngan aku ayiak batang-aghi diau ngenjuakka idup diau jeghenia luak kacau. Diau melilia keluagh jak di kerusi Allah ngan Anak Bebiritu

PENGINA'AN 22:3

Mangku nidau bediau agi diau didawaika. Kerusi Allah ngan Anak Bebiritu ka adau di dalamau, mangku budak-buda'Au ka nyemba Diau

PENGINA'AN 4:8

Empat benatangtu padau sikuak adau enam butiak sayap. Sayapautu penua ngan matau galau, di sebela dalamau pulau. Siang malam benatangtu nidau mandak-mandak benyanyi, kataunyau, “Suci, suci, sucila Tuhan, Allah diau Mahakuasau; Diau la adau jak di senitu enggut mbak kini ngan maju ka adau.”

PENGINA'AN 5:11

Mangku aku tekinak agi, mangku ndengagh suarau banyak nian malaikat di guak kerusi rajau, empat benatang ngan tuau-tuau tadi. Malaikattu bejuta-juta.

PENGINA'AN 5:12

Malaikattu benyanyi ngan suarau bias, “Anak Bebiri diau disembeliatu pantas ngan behak nerimau kuasau ngan kekayauan ngan pengertian ngan kekuatan. Diautu pantas diregaui ngan diagungka ngan dipuji!”

PENGINA'AN 5:13

Mangku aku ndengagh gegalaunyau diau benyawau empuak di sergau empuak di deniau empuak di bawa deniau empuak diau di laut ngan gegalaunyau diau di dalamau bekatau, “Jemau diau duduak di kerusi rajau ngan Anak Bebiri dipuji ngan diregaui ngan diagungka ngan bekuasau selelamaunyau!”

PENGINA'AN 5:14

Mangku empat benatangtu bekatau, “Amin!” ngan tuau-tuau tadi nunduak nyemba.

PENGINA'AN 6:16

Ughangtu bekatau ngan gunung ngan batutu, “Runtuala, tinggangla kami! Bunikala kami jak di Jemau diau duduak di kerusi rajautu, jak di mara Anak Bebiritu.