PENGINA'AN 5:14 - PEJANJIAN EMPAI CERITAU ILUAK

¹⁴ Mangku empat benatangtu bekatau, “Amin!” ngan tuau-tuau tadi nunduak nyemba.

PENGINA'AN 5:14 ပူးပေါင်းရင်းမြစ်များ

1 KURINTUS 14:16

Amun kamu beterimau-kasia ngan Allah ngan basau rua ajau, mangku jemau lain nidau pacak ngaminka du'a beterimau-kasia, karnau nidau terti setu diau kamu kiciakkatu.

PENGINA'AN 19:4

Mangku duau pulua empat tuau-tuau ngan empat benatangtu nunduak nyemba Allah diau duduak di kerusi rajautu, kataunyau, “Amin, haleluya, tepujila Allah!”

PENGINA'AN 4:4

Di ngepungan kerusi rajautu adau duau pulua empat kerusi agi. Di kerusitu duduak duau pulua empat tuau-tuau diau makai baju putia ngan gitar emas di pala'au.

PENGINA'AN 4:6

Mangku di adapan kerusitu adau pulau lautan kacau jeghenia nianan. Ngelilingi kerusitu di empat bucu adau empat ikuak benatang, di mukau belakangau penua ngan matau galau.

PENGINA'AN 5:11

Mangku aku tekinak agi, mangku ndengagh suarau banyak nian malaikat di guak kerusi rajau, empat benatang ngan tuau-tuau tadi. Malaikattu bejuta-juta.

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 5:8

Diau dang ngambiak gulungantu, empat benatang ngan duau pulua empat tuau-tuau itu nunduak di adapan Anak Bebiritu. Bilang ughangtu ngecakka kecapi ngan pan emas diau buisi keminyan, itu du'a-du'a jemau diau la njadi hak Allah.

PENGINA'AN 7:12

kataunyau, “Amin! Tepujila Allah diau agung ngan bepengertian. Diau pantas dipuji ngan diregaui. Diautu bekuasau ngan kuat selelamaunyau. Amin!”