PENGINA'AN 5:13 - PEJANJIAN EMPAI CERITAU ILUAK

¹³ Mangku aku ndengagh gegalaunyau diau benyawau empuak di sergau empuak di deniau empuak di bawa deniau empuak diau di laut ngan gegalaunyau diau di dalamau bekatau, “Jemau diau duduak di kerusi rajau ngan Anak Bebiri dipuji ngan diregaui ngan diagungka ngan bekuasau selelamaunyau!”

PENGINA'AN 5:13 ပူးပေါင်းရင်းမြစ်များ

MATIUS 6:13

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

LUKAS 2:14

“Tepujila Allah di bada diau Mahatinggi. Di deniau damai guak jemau diau melemakka ati Allah.”

YUHANIS 1:29

Pagi di aghiau Yuhanis nginak Yesus datang njenguak diau, mangku Yuhanis bekatau, “Kina'ila, itu Anak Bebiri diau disediauka Allah endak ngabiska dusau deniau.

RUM 11:36

Gegalaunyau dijadika Allah, asalau jak di Allah, batan endak Allah. Allah diagungka selelamaunyau Amin.

RUM 16:27

Cuman Diau sughang itula Allah diau bepengertian nian. Aku bedu'a supayau Diau maju diagungka selelamaunyau karnau Yesus Keristus! Nyela nian. Amin.

RUM 9:5

Ughangtu pengadau niniak puyang kami diau agungtu. Secarau manusiau Keristus asalau jak di bangsau itu. Allah diau nguasaui gegalaunyau dipuji selelamaunyau. Amin.

IPISUS 3:21

Allah mesti maju diagungka jemau Keristen karnau Yesus Keristus. Tepujila Allah enggut selelamaunyau. Nyela nian. Amin.

PILIPI 2:10

Mangku Yesus diregaui gegalaunyau diau adau di sergau ngan di deniauni ngan di deniau jemau mati nunduak nyemba Diau.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

1 PITRUS 5:11

Diautula bekuasau selelamaunyau. Amin.

YUDAS 1:25

Diautula Allah ngan Rajau Penyelamat kitau karnau Yesus Keristus, Tuhan kitau. Diautu Allah diau agung, bekuasau ngan diregaui jak di senitu enggut mbak kini ngan selelamaunyau. Amin.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 5:1

Mangku aku nginak di tangan kanan Jemau diau duduak di pucuak kerusi rajautu sutiak gulungan kitab. Sebela luagh ngan dalamau ditulisi mangku disigil ngan tujua butiak sigil.

PENGINA'AN 5:12

Malaikattu benyanyi ngan suarau bias, “Anak Bebiri diau disembeliatu pantas ngan behak nerimau kuasau ngan kekayauan ngan pengertian ngan kekuatan. Diautu pantas diregaui ngan diagungka ngan dipuji!”

PENGINA'AN 5:3

Anyautu nidau bediau sughang kiala empuak di sergau empuak di deniau empuak di bawa deniau diau pacak mbukak gulungan kitabtu endak nginak isiau.

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.

PENGINA'AN 6:16

Ughangtu bekatau ngan gunung ngan batutu, “Runtuala, tinggangla kami! Bunikala kami jak di Jemau diau duduak di kerusi rajautu, jak di mara Anak Bebiritu.