PENGINA'AN 4:8 - PEJANJIAN EMPAI CERITAU ILUAK

⁸ Empat benatangtu padau sikuak adau enam butiak sayap. Sayapautu penua ngan matau galau, di sebela dalamau pulau. Siang malam benatangtu nidau mandak-mandak benyanyi, kataunyau, “Suci, suci, sucila Tuhan, Allah diau Mahakuasau; Diau la adau jak di senitu enggut mbak kini ngan maju ka adau.”

PENGINA'AN 4:8 ပူးပေါင်းရင်းမြစ်များ

RASUL 20:31

Karnau itu, sepepadaula! Ingatkala, mbak bansau aku ngajagh kapu dighi siang malam selamau tigau taun ngan banyak ayiak matau.

2 KURINTUS 6:18

Mangku Aku ka njadi Bapak kamu, kamu ka njadi anakKu. Luak itula katau Tuhan diau Mahakuasau.”

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

2 TIMUTIUS 4:2

kiciakkala katau Allah. Kaba maju ngerjaukanyau, empuak masau iluak empuak masau nidau iluak. Yakinkala jemau, tunjuakkala setu diau sala, tegughila ngan ngajaghila jemau ngan ngaligh.

IBRANI 13:8

Yesus Keristus nidau beghuba, empuak senitu empuak mbak kini enggut selelamaunyau.

PENGINA'AN 1:4

Ngan kantin-kantin jemau Keristen diau di tujua kuta di daira Asia Keciak aku, Yuhanis, nulis ini. Aku bedu'a, supayau kamu meghasauka keilu'an ngan damai jak di Allah. Allahtu la adau jak di senitu enggut mbak kini ngan maju ka adau. Keilu'an ngan damaitu pulau jak di tujua rua diau adau di adapanNyau

PENGINA'AN 1:8

“Akunila diau dulu sekali ngan mendian sekali,” katau Tuhan Allah diau Mahakuasau, diau adau jak di senitu enggut mbak kini ngan maju ka adau.

PENGINA'AN 11:17

kataunyau, “Tuhan Allah diau Mahakuasau diau la adau jak di senitu enggut mbak kini. Kami beterimau-kasia ngan Dighi, karnau Dighi la makai kuasau diau besaktu mangku la mulai merinta luak rajau.

PENGINA'AN 14:11

Asap api diau nyiksau jemautu nayiak ke atas enggut selelamaunyau. Mangku jemau diau nyemba benatang ngan patungau, mangku la nerimau tandau namaunyautu, nidau mandak-mandak disiksau siang malam.”

PENGINA'AN 14:3

Ughangtu dang nyanyika nyanyian empai di adapan kerusi rajau ngan empat benatang ngan tuau-tuau. Mangku nidau bediau jemau diau pacak belajagh nyanyiantu lain jak di seratus empat pulua empat ribu jemau diau la ditebus jak di deniautu.

PENGINA'AN 15:3

Ughangtu benyanyi nyanyika nyanyian Musa, budak Allahtu, ngan nyanyian Anak Bebiri. Muniau luak ini, “Tuhan, Allah diau Mahakuasau. Gegalau kerjau Dighi besak nianan ngan nyelia. Dighitu Rajau gegalau bangsau. Carau Dighi adil ngan benagh galau.

PENGINA'AN 15:7

Mangku sikuak jak di empat benatangtu ngenjuakka ngan malaikat tadi tujua pan jak di emas penua diisi ngan mara Allah, diautu Allah diau idup selelamaunyau.

PENGINA'AN 16:14

Ruatu rua sitan diau mbuat tandau nyelia. Tigau ruatu pegi njenguak gegalau rajau di deniau ngajung betunggal endak beperang masau aghi besak, masau Allah nyatauka kuasauNyau.

PENGINA'AN 16:7

Mangku aku ndengagh suarau jak di bada bekerbantu, kataunyau, “Tuhan Allah diau Mahakuasau, ukuman diau Dighi ukumkatu benagh ngan adil.”

PENGINA'AN 19:15

Di mulut Jemau tadi adau sebila pedang tajam. Ngan pedangtu Diau ka ngalaka bangsau-bangsau. Diau ka nyayia ughangtu ngan tungkat besi. Mangku Diau ka ngancit anggur di kilangan anggur. Titu mara Allah diau Mahakuasau.

PENGINA'AN 19:4

Mangku duau pulua empat tuau-tuau ngan empat benatangtu nunduak nyemba Allah diau duduak di kerusi rajautu, kataunyau, “Amin, haleluya, tepujila Allah!”

PENGINA'AN 21:22

Aku nidau tekinak Ghuma Allah di kuta itu, karnau Ghuma Allahtu Tuhan itula, Allah diau Mahakuasau ngan Anak Bebiri itu.

PENGINA'AN 3:7

“Ngan malaikat jemau Keristen di Piladelpia tuliskala luak ini: ‘Inila katau Aku, Aku suci ngan benagh. Aku adau kunci Daud. Amun Aku mbukak, nidau bediau sughang kiala diau pacak ngatupkanyau. Mangku amun Aku ngatupka, nidau bediau sughang kiala diau pacak mbuka'au.

PENGINA'AN 4:4

Di ngepungan kerusi rajautu adau duau pulua empat kerusi agi. Di kerusitu duduak duau pulua empat tuau-tuau diau makai baju putia ngan gitar emas di pala'au.

PENGINA'AN 4:6

Mangku di adapan kerusitu adau pulau lautan kacau jeghenia nianan. Ngelilingi kerusitu di empat bucu adau empat ikuak benatang, di mukau belakangau penua ngan matau galau.

PENGINA'AN 4:9

Empat benatangtu benyanyi beterimau-kasia ngan meregaui ngan ngagungka Jemau diau duduak di kerusi rajautu diau idup selelamaunyau. Idang kali benatangtu benyanyi,

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 6:1

La udim itu aku nginak Anak Bebiritu mbukak sigil diau petamau jak di tujua sigiltu. Mangku aku ndengagh sikuak jak di empat benatang tadi bekatau, “Mela!” Suaraunyau luak muni gurua.

PENGINA'AN 6:6

Mangku aku ndengagh suarau jak di guak empat benatang tadi diau bekatau, “Selitir beghas diau alap regaunyau upa saghi. Tigau litir beghas diau karut regaunyau upa saghi pulau. Anyautu jangan merusakka minyak ngan anggur.”

PENGINA'AN 7:11

Mangku gegalau malaikat betegak ngelilingi kerusi rajautu ngan tuau-tuau ngan empat benatangtu. Ughangtu nunduak di adapan kerusi rajautu mangku nyemba Allah,

PENGINA'AN 7:15

Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.