PENGINA'AN 4:11 - PEJANJIAN EMPAI CERITAU ILUAK

¹¹ “Ui Tuhan, Allah kami! Dighi ajau diau pantas dipuji ngan diregaui ngan bekuasau, karnau Dighi la njadika gegalaunyau. Karnau kendak Dighila gegalaunyau adau mangku idup.”

PENGINA'AN 4:11 ပူးပေါင်းရင်းမြစ်များ

RASUL 14:15

“Ui, kapu dighi. Ngapau kapu dighi ngerjauka ini? Kamini pulau manusiau luak kapu dighi. Kami ke sini endak ngiciakka ceritau iluak ngan kapu dighi, supayau kapu dighi ninggalka kerjau diau nidau begunau ini, mangku datang njenguak Allah diau idup, diau njadika langit ngan deniau, laut ngan gegalau isiau.

RASUL 17:24

Allah diau njadika deniau ini ngan gegalau isiau, Diautu Tuhan ngan nguasaui langit ngan deniau. Diau nidau mendam di keramat diau dibuat manusiau.

RUM 11:36

Gegalaunyau dijadika Allah, asalau jak di Allah, batan endak Allah. Allah diagungka selelamaunyau Amin.

IPISUS 3:9

Diau pulau nugaska aku ngiciakka ngan gegalau jemau, luak manau Allah diau njadika gegalau deniauni ngerjauka rencanauNyau diau diresiauka senitu.

IBRANI 1:10

KatauNyau agi, “Empai penembai Kaba, Tuhan, njadika deniau. Diau njadika langit Kabatula.

IBRANI 1:2

Masau pengabisan ini Diau la ngajung Ana'Au ngiciak ngan kitau. Diau ngajung Ana'Autu njadika langit ngan deniau ngan gegalau isiau, mangku ditetapkaNyau behak nerimau gegalaunyau.

PENGINA'AN 1:6

mangku njadika kitau sebangsau, njadi imam diau bekerjau batan endak Allah, Bapa'Au. Yesus Keristustu agung ngan bekuasau selelamaunyau. Amin.

PENGINA'AN 10:6

Mangku diau besumpa demi Allah diau idup selelamaunyau diau la njadika langit ngan gegalau isiau, deniau ngan gegalau isiau, laut ngan gegalau isiau, kataunyau, “Masaunyau nidau ka dipundurka agi!

PENGINA'AN 14:7

Malaikattu tepekiak ngan suarau bias, “Takutla ngan Allah ngan agungka Diau, karnau la sampai masau Allah ngukum manusiau. Sembala Allah diau njadika langit ngan deniau ngan laut ngan gegalau matau-ayiak.”

PENGINA'AN 19:1

La udim itu aku ndengagh suarau bias jak di jemau banyak nianan di sergau, kataunyau, “Haleluya! Tepujila Allah! Allah kitau Allah diau nyelamatka. Diau agung ngan bekuasau.

PENGINA'AN 5:12

Malaikattu benyanyi ngan suarau bias, “Anak Bebiri diau disembeliatu pantas ngan behak nerimau kuasau ngan kekayauan ngan pengertian ngan kekuatan. Diautu pantas diregaui ngan diagungka ngan dipuji!”

PENGINA'AN 5:2

Mangku aku nginak sughang malaikat gaga diau tepekiak-pekiak, kataunyau, “Sapau diau pantas ngan behak mbukak gulungan kitabtu ngan sigilau?”

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.