PENGINA'AN 3:10 - PEJANJIAN EMPAI CERITAU ILUAK

¹⁰ Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.

PENGINA'AN 3:10 ပူးပေါင်းရင်းမြစ်များ

MATIUS 24:14

Mangku ceritau iluak ceritau Allah endak merinta ka dikiciakka di gegalau deniau, mangku gegalau jemau ka ndengaghau. Udim itu kiamat.”

MATIUS 26:41

Siagaula ngan bedu'ala, supayau kamu jangan bedusau, amun dicubaui. Nyela, kamu endak ngerjauka setu diau benagh, anyautu nidau pacak.”

MATIUS 6:13

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

MARKUS 14:9

Percayaula, di gegalau deniau di manau ceritau iluak jak di Allah diceritauka, setu diau dikerjauka tinau ini ka dikiciakka pulau endak ngingat diau.”

LUKAS 2:1

Timpau itu Kaisar Agustus merintaka, supayau gegalau jemau ditulis namaunyau.

YUHANIS 17:6

Aku la nyatauka namau Dighi ngan gegalau jemau jak di deniauni diau la Dighi enjuakka ngan Aku. Dighitu ngempu ughangtu, mangku Dighi la ngenjuakka ughangtu ngan Aku. Ughangtu la nuruti kici'an Dighi.

RUM 1:8

Dulu sekali aku endak ngiciakka, bansau gegalau deniau la ndengagh kamu percayau ngan Keristus. Mangku aku beterimau-kasia ngan Allah karnau ceritau kamutu.

1 KURINTUS 10:13

Amun kamu dicubaui, ingatkala, bansau jemau lain pulau meghasaukanyau luak itu. Allah nepati janjiau. Diau nidau ngenangka kamu dicubaui lebia jak di kekuatan kamu. Masau kamu dicubaui, masau itu pulau Diau ngenjuakka jalan keluagh ngan kamu ngan neguaka kamu mangku pacak ta'an.

IPISUS 6:13

Karnau itu kenaukala gegalau pakaian jak di Allah, mangku masau diau ja'at kamu pacak melawan serangan musua. Mangku amun kamu la bejuang enggut pengabisan, kamu nidau mundur.

2 TIMUTIUS 2:12

Amun kitau beta'an, kitau ka merinta ngan Diau. Amun kitau nidau endak ngaku'i Diau, Diau pulau nidau ngaku'i kitau.

YAKUBUS 3:12

Batang aghau nidau pacak ngasilka niugh, batang kupi nidau pacak ngasilka aghau. Luak itu pulau matau-ayiak diau masin nidau pacak ngeluaghka ayiak biasau.

1 PITRUS 4:12

Kantin-kantinku diau kusayangi. Mbak kini kamu banyak penanggungan ikak diuji. Nidau nanti kemangan, karnau setu diau tejadi di kamu nidau sebeghapau.

2 PITRUS 2:9

Tuhan pacak nyelamatka jemau diau benagh, amun adau pencubauan. Diau pacak pulau na'an jemau diau ja'at endak disiksau di aghi pengadilan nanti,

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 11:10

Gegalau jemau di deniau injiak ngan riang, karnau ughang duautu la mati. Ughang ka ngadauka jamuan ngan sangi enju'i adia, karnau duau ughang nabitu banyak nyaraui jemau di deniauni.

PENGINA'AN 13:10

Jemau diau la ditetapka endak dijilka cetau ka dijilka. Jemau diau la ditetapka endak dibunua ngan pedang cetau ka dibunua ngan pedang. Diau penting supayau jemau percayau maju tekun ngan ngaligh ngan maju percayau.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

PENGINA'AN 14:12

Diau penting, supayau jemau umat Allah maju na'ati perintaHau ngan maju percayau ngan Yesus.

PENGINA'AN 14:6

Mangku aku nginak sughang malaikat lain terbang tinggi di langit. Di diau adau ceritau iluak diau selelamaunyau batan endak dikiciakka ngan jemau diau adau di deniau, gegalau bangsau ngan jungku ngan basau ngan pemili.

PENGINA'AN 16:14

Ruatu rua sitan diau mbuat tandau nyelia. Tigau ruatu pegi njenguak gegalau rajau di deniau ngajung betunggal endak beperang masau aghi besak, masau Allah nyatauka kuasauNyau.

PENGINA'AN 17:2

Rajau di deniau la menaugawia ngan tinautu. Jemau di deniauni la mabuak, karnau minum ayiak anggurau, diautu kerjaunyau diau ja'attu.”

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 3:8

Aku keruan gegalau kerjau kaba. Kina'ila, Aku la mbuka'i kaba duaghau, mangku sughang kiala nidau pacak ngatupkanyau. Aku keruan kekuatan kaba nidau sebeghapau. Anyautu kaba nuruti ajaghanKu ngan maju ngaku'i Aku.

PENGINA'AN 6:10

Ughangtu tepekiak ngan suarau nyaghing, kataunyau, “Ui Tuhan, Penguasau diau suci ngan benagh. Lamau beghapau agi Dighi nidau ngukum ngan nidau mbalas dagha kami ngan jemau diau mbunua kami?”

PENGINA'AN 8:13

Mangku aku nginak, adau sikuak burung elang terbang di langit. Burungtu bekatau ngan suarau nyaghing, “Celakau, celakau, celakaula jemau diau adau di deniau, amun tigau malaikat agi ngembus terumpitau nanti.”