PENGINA'AN 21:6 - PEJANJIAN EMPAI CERITAU ILUAK

⁶ KatauNyau agi ngan aku, “La udim! Akunila Alpa ngan Umiga, diau dulu sekali ngan diau mendian sekali. Jemau diau aus ka Kuenju'i minum jak di matau-ayiak diau ngenjuakka idup, nidau nanti dibayighi.

PENGINA'AN 21:6 ပူးပေါင်းရင်းမြစ်များ

YUHANIS 4:10

Timbal Yesus, “Amun kaba keruan, tuapau diau dienjuakka Allah, ngan sapau diau mintak minum ngan kaba, cengki kaba mintak ngan Diau, mangku Diau ka ngenju'i kaba ayiak diau ngenjuakka idup.”

YUHANIS 4:11

Katau jemau tinautu, “Dighi nidau bediau timbau, lagi pulau pawuak ini dalam nianan. Jak di manau Dighi bulia ayiak diau ngenjuakka idup itu?

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

RUM 3:24

Karnau keilu'an Allah ughangtu dibenaghka Allah. Nidau bediau bayighan, dienjuakka ajau, karnau Yesus Keristus la nebusau.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

1 KURINTUS 2:12

Kitau nidau nerimau rua deniau, tapitu Rua diau asalau jak di Allah, mangku kitau keruan gegalaunyau diau la dienjuakka Allah ngan kitau.

1 KURINTUS 3:12

Adau diau negakka ghuma di pucuak pelapiaktu makai emas, pirak ngan permatau, madak kayu, ghumput ngan jeghami.

1 KURINTUS 3:21

Karnau itu jangan adau diau langguak karnau sughang jemau. Gegalaunyau la dienjuakka njadi hak kamu:

1 KURINTUS 3:5

Sebenaghau sapau Apulus, sapau Paulus? Kamini cuman pekerjau Allah diau mbimbing kamu percayau ngan Keristus. Kami cuman ngerjauka tugas diau diajungka Allah ngan kami sesughangan.

PENGINA'AN 1:11

Katau suarautu, “Setu diau kaba kinak tuliskala di sebua kitab, mangku kighimkala ngan jemau Keristen di tujua kuta, diautu Ipisus, Semirna, Pergamus, Tiatira, Sardis, Piladelpia ngan Laudikia.”

PENGINA'AN 1:17

Masau aku nginak Diau, aku tejeghumus di adapan ketingAu luak jemau mati. Diau nepiakka tanganAu di aku mangku bekatau, “Nidau nanti takut! Aku diau dulu sekali ngan mendian sekali.

PENGINA'AN 1:8

“Akunila diau dulu sekali ngan mendian sekali,” katau Tuhan Allah diau Mahakuasau, diau adau jak di senitu enggut mbak kini ngan maju ka adau.

PENGINA'AN 10:6

Mangku diau besumpa demi Allah diau idup selelamaunyau diau la njadika langit ngan gegalau isiau, deniau ngan gegalau isiau, laut ngan gegalau isiau, kataunyau, “Masaunyau nidau ka dipundurka agi!

PENGINA'AN 16:17

Udim itu malaikat diau ketujua nuangka isi panau ke awang-awang, mangku adau suarau nyaghing jak di dalam Ghuma Allah di guak kerusi rajautu, kataunyau, “La udim!”

PENGINA'AN 22:13

Akunila Alpa ngan Umiga, diau dulu sekali ngan diau mendian sekali, penembaian ngan pengabisan.”

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!

PENGINA'AN 3:14

“Ngan malaikat jemau Keristen di Laudikia tuliskala luak ini: ‘Inila katau Aku, Akunila tetap ngan nyatauka setu diau benagh ngan pacak dipercayaui, mulaunyau gegalaunyau diau dijadika Allah.

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”