PENGINA'AN 21:4 - PEJANJIAN EMPAI CERITAU ILUAK

⁴ Diau ka ngusu'i gegalau ayiak-matau jak di matau ughangtu, mangku jemau nidau ka mati agi. Nidau bediau agi kemada'an ngan berandaian, karnau gegalaunyau diau lamau la lalu.”

PENGINA'AN 21:4 ပူးပေါင်းရင်းမြစ်များ

MATIUS 24:35

Langit ngan deniau ka lengit, tapitu kici'anKu nidau ka lengit, ka tetap selelamaunyau.”

1 KURINTUS 15:26

Musua diau mendian ditunduakka itula maut.

1 KURINTUS 7:31

Mangku jemau diau pansan ngerjauka kerjau deniau luak nidau ngerjaukanyau, karnau deniauni nidau ka lamau agi.

2 KURINTUS 5:17

Amun jemau la seghundak ngan Keristus, diau njadi manusiau empai. Idup diau lamau nidau bediau agi, gegalaunyau la njadi empai.

2 KURINTUS 6:17

Karnau itu, “Tinggalkala jemau diau nidau keruan Allah, jawuaka diri kamu jak di ughangtu. Jangan ngecakka setu diau aram, mangku Aku ka nerimau kamu.

IBRANI 12:27

Katau tadi “sekali agi” nunjuakka, bansau gegalau deniau diau dijadikatu ka digugak ngan digentika, mangku ka tinggal setu diau nidau pacak digugak.

2 PITRUS 3:10

Anyautu aghi Tuhan datang ka sampai nidau disangkau, luak pemaling. Masau itu langit ka lengit ngan muni gurua diau besak. Setu diau adau di langit ka abis galau mutung ngan api. Deniau ngan gegalau isiau ka abis galau.

1 YUHANIS 2:17

Deniau ngan gegalau setu diau adau di dalamau diau diibauka manusiau ka lengit. Anyautu jemau diau ngerjauka kendak Allah maju idup selelamaunyau.

PENGINA'AN 20:13

Mangku laut nyeraka jemau mati diau adau dalamau. Maut ngan bada jemau mati nyeraka jemau mati diau adau di situ. Ughangtu diadili nurut perembak sesughangan.

PENGINA'AN 20:14

Mangku maut ngan bada jemau mati dicapakka ke dalam laut apitu. Itula kematian diau keduau, laut api itula.

PENGINA'AN 21:1

La udim itu aku nginak langit empai ngan deniau empai. Langit diau lamau ngan deniau diau lamau la abis. Laut pulau nidau bediau agi.

PENGINA'AN 22:3

Mangku nidau bediau agi diau didawaika. Kerusi Allah ngan Anak Bebiritu ka adau di dalamau, mangku budak-buda'Au ka nyemba Diau

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”