PENGINA'AN 21:23 - PEJANJIAN EMPAI CERITAU ILUAK

²³ Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.

PENGINA'AN 21:23 ပူးပေါင်းရင်းမြစ်များ

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

LUKAS 2:32

Diautu terang diau nerangi bangsau lain diau nidau keruan Allah. Jemau Israil ka dipuji karnau Diau.”

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

YUHANIS 1:4

Pirman itu ngenjuakka idup, mangku iduptu ngenjuakka terang ngan manusiau.

YUHANIS 1:9

Terang diau sebenaghautu datang ke deniau nerangi gegalau manusiau.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

RASUL 22:11

Mangku aku njadi butau, karnau cayau diau nyilauka itu. Mangku kantin-kantinku mapa aku masuak Damsik.

PENGINA'AN 14:4

Ughangtu jemau diau nidau ncampur ngan tinau, masia beresia luak perawan. Ughangtu ngikut Anak Bebiritu ke manau kila Diau pegi. Ughangtu ditebus jak di manusiau njadi luak tandau beterimau-kasia diau dulu sekali dienjuakka batan endak Allah ngan Anak Bebiritu.

PENGINA'AN 18:1

Udim itu aku nginak sughang malaikat lain agi tughun jak di sergau. Kuasaunyau besak ngan keagungannyau nerangi gegalau deniau.

PENGINA'AN 21:11

Kutatu penua ngan keagungan Allah. Sinaghau semegi ngan permatau diau alap sekali, luak permatau yaspis, jeghenia luak kacau diau alap.

PENGINA'AN 21:25

Mukau lawangau nidau ka dikatupka agi, ka maju tebukak, karnau nidau bediau aghi malam di situ.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”