PENGINA'AN 2:25 - PEJANJIAN EMPAI CERITAU ILUAK

²⁵ Anyautu setu diau la adau di kamu ta'ankala enggut Aku datang.

PENGINA'AN 2:25 ပူးပေါင်းရင်းမြစ်များ

YUHANIS 14:3

La udim Aku pegi ke situ ngan nyediauka bada batan endak kamu, Aku ka ngulang agi, mangku mbatak kamu ke badaKu, supayau di manau badaKu, di situ pulau bada kamu.

RASUL 11:28

Jak di ughangtu adau sughang benamau Agabus. Diautu diajung Rua Allah ngiciakka, mbak bansau di gegalau deniau ka adau kelapaghan diau pansan. Titu tejadi masau Kaisar Kelaudius merinta.

RUM 12:9

Jangan cak nyayangi. Luatka diau ja'at, kerjaukala diau iluak.

1 KURINTUS 11:26

Jadi, idang kali kamu makan ruti ngan minum jak di mangkuaktu kamu ngiciakka kematian Tuhan, enggut Diau datang.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

1 TESALUNIKA 5:21

Keruanila gegalaunyau, diau iluak mesti diikuti.

IBRANI 10:23

Mela kitau maju ngaghapka setu diau la kitau aku'i, karnau Allah diau la njanjikanyau pacak dipercayaui.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

IBRANI 4:14

Mela kitau maju ngandalka ngan kepercayauan kitau, karnau kitau adau Imam Besak diau agung diau la sampai guak Allah, diautu Yesus, Anak Allah.

2 PITRUS 3:10

Anyautu aghi Tuhan datang ka sampai nidau disangkau, luak pemaling. Masau itu langit ka lengit ngan muni gurua diau besak. Setu diau adau di langit ka abis galau mutung ngan api. Deniau ngan gegalau isiau ka abis galau.

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!

PENGINA'AN 22:20

Diau ngiciakka gegalaunyauni bekatau, “Nyela, Aku ka cepat datang!” Nyela nian. Datangla Tuhan Yesus!

PENGINA'AN 22:7

“Ngenian, Aku laka datang. Riangla jemau diau nuruti ceritau kitab ini.”

PENGINA'AN 3:11

Aku gancang datang. Jagauila iluak-iluak setu diau adau di kaba, mangku nidau sughang kia ngambiak adia kaba menang.

PENGINA'AN 3:3

Mangku ingatkala setu diau la diajaghka ngan kaba ngan setu diau la kaba dengagh, mangku ta'atila itu ngan ubaila jak di perembak kaba! Amun nidau, Aku ka datang luak pemaling. Kaba nidau ka keruan, kebilau masaunyau Aku datang njenguak kaba.