PENGINA'AN 2:10 - PEJANJIAN EMPAI CERITAU ILUAK

¹⁰ Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.

PENGINA'AN 2:10 ပူးပေါင်းရင်းမြစ်များ

MATIUS 10:22

Kamu ka diluatka gegalau jemau, karnau kamu percayau ngan Aku. Anyautu jemau diau beta'an enggut kesudiman ka selamat.

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

MATIUS 24:13

Anyautu jemau diau beta'an enggut udim ka selamat.

MARKUS 13:13

Kamu ka diluatka gegalau jemau karnau percayau ngan Aku. Anyautu jemau diau ta'an enggut kesudimannyau ka selamat.”

MARKUS 8:35

Karnau jemau diau endak ngilakka nyawaunyau ka kelengitan nyawaunyau. Anyautu jemau diau kelengitan nyawaunyau karnau Aku ngan ceritau Injil, diautu ka idup nian.

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

YUHANIS 12:25

Jemau diau nyayangi nyawaunyau ka kelengitan nyawaunyau, mangku jemau diau nidau nyayangi nyawaunyau ka bulia idup empai selelamaunyau.

YUHANIS 13:2

Yesus ngan anak-buaHau dang makan malam. Iblis la mbisi'i Yudas Iskariut, anak Simun, supayau diau njualka Yesus.

YUHANIS 13:27

La udim Yudas nerimau rutitu, iblis masuak dalam ati Yudas, mangku Yesus ngiciak ngan diau, katauNyau, “Setu diau endak kaba kerjauka, kerjaukala gegancang.”

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

RASUL 21:13

Anyautu Paulus nimbal, “Ngapau kapu dighi nangis galau? Ngan carau luak itu kapu dighi mbuat aku madak ajau. Karnau aku sukau ukan ajau endak dikebat, tapitu pulau endak mati di Yerusalim karnau namau Tuhan Yesus.”

1 KURINTUS 9:25

Bilang tukang main diau ngikut betanding mesti maju na'an diriau. Jemautu ngerjauka titu endak bulia adia diau nidau ka lamau. Anyautu kitau na'an diri, karnau endak bulia adia diau ta'an lamau.

IPISUS 2:2

Masau itu kamu nuruti carau deniau. Kamu ta'at ngan penguasau diau adau di awang-awang, diautu rua diau mbak kini nguasaui ati jemau diau nidau ta'at ngan Allah.

IPISUS 6:12

Kitau bejuang ukan melawan manusiau, anyautu melawan kekuatan iblis diau nguasaui masau diau ja'at ini. Kitau melawan kekuatan rua ja'at diau nguasaui awang-awang.

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

1 PITRUS 5:4

Mangku amun Keristus, tukang sayia bebiri diau agungtu, datang nanti, kamu ka nerimau adia menang diau alap nianan diau nidau ka beghuba.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 13:2

Benatang diau kukinaktu semegi ngan setuau tutul. Ketingau luak keting beghuang. Mulutau luak mulut setuau. Mangku nagautu ngenjuakka ngan diau kekuatannyau ngan kuasaunyau diau besaktu.

PENGINA'AN 13:7

Mangku diau dibuliaka pulau melawan jemau diau la njadi hak Allah mangku dikalakanyau. Diau dienjuakka kuasau nguasaui bilang jungku, nenggeri, bangsau ngan basau.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.

PENGINA'AN 2:9

Aku keruan kaba sengsarau ngan serik, awuak sebenaghau kaba kayau. Aku keruan buru'an jemau diau ngakuak diriau jemau Yahudi, awuak sebenaghau ukan. Ughangtu umat iblis?