PENGINA'AN 18:23 - PEJANJIAN EMPAI CERITAU ILUAK

²³ Nidau ka kina'an agi sinagh lampu di kaba. Nidau ka kedengaghan agi reramian jemau nika. Senitu pedagang kaba jemau penting di deniauni. Ngan kuasau gelap kamu nipuka gegalau bangsau di deniau.

PENGINA'AN 18:23 ပူးပေါင်းရင်းမြစ်များ

RASUL 8:11

Ughangtu la lamau kepagauan nginak kerjaunyau ngan nurutinyau.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 17:2

Rajau di deniau la menaugawia ngan tinautu. Jemau di deniauni la mabuak, karnau minum ayiak anggurau, diautu kerjaunyau diau ja'attu.”

PENGINA'AN 17:5

Di keningau ditulis sutiak namau, sutiak resiau, bacaunyau, “Babil besak, mak gegalau pelacur ngan gegalau kerjau diau ja'at di deniau.”

PENGINA'AN 18:22

Nidau bediau agi muni pemain kecapi, muni jemau nyanyi, muni seruling ngan muni terumpit. Nidau bediau agi muni jemau betukang. Mangku muni nutuak nidau ka bediau agi di kaba.

PENGINA'AN 18:3

karnau gegalau bangsau la minum anggur serilaunyau diau ja'attu. Rajau deniau la menaugawia ngan diau. Pedagang di deniau la njadi kayau, karnau diau nidau pacak na'an serilaunyau diau besaktu.”

PENGINA'AN 18:9

Mangku rajau-rajau di deniau diau la menaugawia ngan diau ngan la meghasauka kekayauannyau ka nangis berandaian merandai kutatu, amun ughangtu nginak asap berembus jak di api diau mutungkanyautu.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

PENGINA'AN 22:15

Anyautu anjing ngan dukun, jemau diau menaugawia ngan mbunua ngan nyemba diwau, penipu ngan pembu'ung, gegalau ughangtu nidau pacak masuak.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.

PENGINA'AN 6:15

Mangku rajau di deniau ngan penguasau ngan kepalak tentera ngan jemau kayau ngan jemau bekuasau ngan jemau lainau, empuak budak empuak jemau bibas, gegalaunyau nyemuni di gua ngan serang batu di gunung.

PENGINA'AN 9:21

Ughangtu nidau ngubai jak di kerjau kuasau gelap, mbunua, menaugawia ngan maling.