PENGINA'AN 14:7 - PEJANJIAN EMPAI CERITAU ILUAK

⁷ Malaikattu tepekiak ngan suarau bias, “Takutla ngan Allah ngan agungka Diau, karnau la sampai masau Allah ngukum manusiau. Sembala Allah diau njadika langit ngan deniau ngan laut ngan gegalau matau-ayiak.”

PENGINA'AN 14:7 ပူးပေါင်းရင်းမြစ်များ

MATIUS 25:13

Mangku Yesus ngudimi ceritauNyau luak ini, “Karnau itu, kamu mesti bejagau-jagau, karnau kamu nidau keruan aghiau ngan masaunyau.”

LUKAS 17:18

Ngapau cuman jemau asing ini diau ngelipat beterimau-kasia ngan Allah?”

RASUL 14:15

“Ui, kapu dighi. Ngapau kapu dighi ngerjauka ini? Kamini pulau manusiau luak kapu dighi. Kami ke sini endak ngiciakka ceritau iluak ngan kapu dighi, supayau kapu dighi ninggalka kerjau diau nidau begunau ini, mangku datang njenguak Allah diau idup, diau njadika langit ngan deniau, laut ngan gegalau isiau.

1 PITRUS 4:7

Gegalaunyau laka bekesudiman. Karnau itu kamu mesti nguasaui diri kamu ngan sepepadau, supayau kamu pacak bedu'a.

PENGINA'AN 11:13

Masau itu pulau adau gempau besak, mangku bagi sepulua sebagi jak di kuta itu runtua. Tujua ribu ughang mati karnau gempautu. Jemau lain takut kematila mangku ngagungka Allah di sergau.

PENGINA'AN 11:18

Gegalau bangsau diau nidau keruan Allah mara, anyautu la masaunyau Dighitu mara. La masaunyau Dighi ngadili jemau mati. La masaunyau pulau Dighi ngenjuakka upa ngan budak-budak Dighi ngan nabi-nabi, pulau ngan gegalau umat Dighi, jemau diau nyemba Dighi, besak keciak. La masaunyau mbenasauka jemau diau mbenasauka deniauni.”

PENGINA'AN 15:4

Sapau nidau takut ngan Dighi, Tuhan? Sapau enggup ngagungka namau Dighi? Cuman Dighi ajau diau suci. Gegalau bangsau ka datang nunduak nyemba Dighi, karnau carau Dighi diau adiltu la kina'an ngan gegalau jemau.”

PENGINA'AN 16:9

Mangku jemau mutung karnau api diau angat kematila. Ughangtu nggelakka namau Allah diau nguasaui sengsarau itu tadi, enggup ngubai jak di peremba'au, nidau endak ngagungka Allah.

PENGINA'AN 18:10

Ughangtu ka betegak jawua-jawua karnau takut kenau sengsaraunyautu ngan bekatau, “Celakau, celakau kaba, ui kuta diau besaktu, ui Babil, kuta diau kuattu! Masau sejam ajau kaba la diukum.”

PENGINA'AN 18:17

Timpau sejam ajau kekayauannyautu abis.” Gegalau kepalak kapal laut ngan jemau nayiak ngan jemau kerjau kapal ngan gegalau jemau diau pencariannyau di laut betegak jak di jawua.

PENGINA'AN 18:19

Mangku ughangtu ngamburka debu di pala'au, tandau ughangtu kemada'an, mangku tegauk ngan nangis berandaian, kataunyau, “Aiyai, celakau nian kuta besaktu! Kekayauannyau la mbuat gegalau jemau diau adau kapal laut njadi kayau, la njadi kayau ngan barangau diau mahal. Anyautu timpau sejam ajau abis galau!”

PENGINA'AN 19:5

Mangku adau suarau jak di kerusi rajautu, kataunyau, “Pujila Allah kitau, ui, gegalau budak Allah, kamu diau ta'at ngan Diau, empuak keciak empuak besak!”

PENGINA'AN 4:11

“Ui Tuhan, Allah kami! Dighi ajau diau pantas dipuji ngan diregaui ngan bekuasau, karnau Dighi la njadika gegalaunyau. Karnau kendak Dighila gegalaunyau adau mangku idup.”

PENGINA'AN 4:9

Empat benatangtu benyanyi beterimau-kasia ngan meregaui ngan ngagungka Jemau diau duduak di kerusi rajautu diau idup selelamaunyau. Idang kali benatangtu benyanyi,

PENGINA'AN 8:10

La udim itu malaikat diau ketigau ngembus terumpitau, mangku sutiak bintang besak diau maghak luak ubur tumban jak di langit, ninggang bagi tigau sebagi jak di ayiak batang-aghi ngan matau-ayiak.