PENGINA'AN 14:4 - PEJANJIAN EMPAI CERITAU ILUAK

⁴ Ughangtu jemau diau nidau ncampur ngan tinau, masia beresia luak perawan. Ughangtu ngikut Anak Bebiritu ke manau kila Diau pegi. Ughangtu ditebus jak di manusiau njadi luak tandau beterimau-kasia diau dulu sekali dienjuakka batan endak Allah ngan Anak Bebiritu.

PENGINA'AN 14:4 ပူးပေါင်းရင်းမြစ်များ

MATIUS 19:12

Adau jemau nidau pacak nika, karnau lahir luak itu. Adau pulau diau nidau pacak nika, karnau dibuat jemau lain luak itu. Adau pulau diau milia nidau endak nika, mangku pacak bekerjau batan endak Allah. Jemau diau pacak nerimau ajaghan ini, nengkela diau nerimaunyau.”

MATIUS 25:1

“Amun Allah merinta luak rajau nanti, keadaannyau luak cuntau ceritau ini. Adau sepulua ughang gadis ngambiak lampu, mangku pegi nyungsung pengantinan.

MATIUS 8:19

Mangku adau sughang guru agamau datang njenguak Diau ngan bekatau, “Pak guru, aku endak ngikut Dighi, ke manau ajau Dighi pegi.”

YUHANIS 10:27

Gegalau bebiriKu ndengaghka suarauKu. Aku keruan diau, mangku gegalaunyau ngikut Aku.

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

YUHANIS 13:37

Pitrus betanyau agi, “Tuhan, ngapau Aku nidau pacak ngikut Dighi mbak kini? Aku endak ngenjuakka nyawauku batan endak Dighi!”

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

1 KURINTUS 16:15

Kamu cengki keruan Setipanus ngan denga-sana'au. Ughangtu jemau diau dulu sekali njadi Keristen di Akaya. Ngan ngenian ughangtu bekerjau nulung umat Allah.

1 KURINTUS 6:20

Kamu la dibeli, regaunyau la dibayighi galau. Karnau itu regauila Allah ngan badan kamu.

1 KURINTUS 7:28

Anyautu amun kamu nika, ukan dusau. Luak itu pulau amun budak gadis nika, ukan bedusau. Anyautu jemau diau nika banyak meghasauka penanggungan di deniauni, mangku aku endak supayau jangan kamu banyak meghasauka penanggungan luak jemau diau la nikatu.

2 KURINTUS 11:2

Aku nyanauka kamu nian luak Allah nyanauka kamu. Aku la njanjika kamu ngan Keristus. Mangku aku endak, supayau kamu maju beresia luak sughang gadis beresia enggut aghi nika.

IPISUS 1:14

Rua itula njamin kitau ka nerimau setu diau la dijanjika Allah ngan umatAu. Mangku kitau yakin, bansau kitau ka ditebus nian ngan dijadikaNyau umatAu, supayau Allah dipuji karnau keagunganNyau.

IPISUS 5:27

Ngan carau luak itu ughangtu pacak ngadap Diau ngan beresia ngan alap, nidau bediau cacat ngan celakau ngan tuapau kila diau karut.

1 TIMUTIUS 4:3

Ughangtu nidau ngajung jemau nika, nidau ngajung makan makanan diau dijadika Allah, awuak bulia dimakan jemau diau percayau ngan Keristus ngan keruan diau benagh, amun beterimau-kasia ngan Allah.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

YAKUBUS 1:18

Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 21:22

Aku nidau tekinak Ghuma Allah di kuta itu, karnau Ghuma Allahtu Tuhan itula, Allah diau Mahakuasau ngan Anak Bebiri itu.

PENGINA'AN 21:23

Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.

PENGINA'AN 3:4

Anyautu di Sardis adau pulau jemau diau nidau ngumuhi bajuau. Jemautu ka bejalan ngan Aku, pakai baju putia, karnau pantas batan endak itu.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.