PENGINA'AN 13:6 - PEJANJIAN EMPAI CERITAU ILUAK

⁶ Mangku diau nggelakka Allah ngan namau Allah ngan Ghuma Allah ngan gegalaunyau diau adau di sergau.

PENGINA'AN 13:6 ပူးပေါင်းရင်းမြစ်များ

MATIUS 12:34

Ui, kamu jemau ja'at. Manau ka adau kamu pacak ngiciakka setu diau iluak, amun kamu ja'at. Setu diau dikiciakka mulut, itula diau ngeluagh jak di ati.

MATIUS 15:19

Karnau jak di ati nimbul gegalau rupu'an ja'at, diau mbuat jemau mbunua, menaugawia ngan kerjau ja'at diau lain, maling, ngiciakka setu mbu'ung ngan nggelakka jemau.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

RUM 3:13

Kelungkungan ughangtu tengangau luak kuburan tebukak. Mulut ughangtu nipuka jemau ngan kici'an ughangtu bebayau luak bisau ulagh.

KULUSI 1:19

Gegalau sipat Allah adau galau di Diau.

KULUSI 2:9

Karnau gegalau sipat Allah adau galau di Keristus, masau Diau adau di deniau njadi manusiau.

IBRANI 9:2

Adau kima ditegakka, mangku bagian mukau dikiciakka Bada Suci. Di situ adau tiang lampu ngan mija ngan ruti enju'an batan endak Allah.

IBRANI 9:24

Keristus nidau masuak ke bada suci diau dibuat manusiau diau cuman gambar jak di bada suci diau sebenaghau. Diautu masuak sergau nian, mangku mbak kini Diau ngadap Allah batan endak kepentingan kitau.

PENGINA'AN 11:12

Mangku ughang duautu ndengagh suarau nyaghing jak di sergau mantaunyau, kataunyau, “Nayiakla ke sini!” Mangku nayiak ughang duautu ke sergau ditudungi aban. Musua ughangtu ngina'au galau.

PENGINA'AN 12:12

Karnau itu riangla, ui sergau ngan gegalau kamu diau adau di dalamau. Celakaula kamu, ui deniau ngan laut, karnau Iblis la tughun guak kamu. Diau mara kematila, karnau la keruan masaunyau tigha jerang agi.”

PENGINA'AN 15:5

La udim itu aku nginak Ghuma Allah di sergau tebukak ngan kima tandau Allah adau di dalamau.

PENGINA'AN 18:20

Riangla kamu, ui sergau, ngan kamu, ui umat Allah ngan nabi-nabi ngan rasul-rasul! Allah la ngukum diau karnau kamu.

PENGINA'AN 21:3

Mangku aku ndengagh suarau bias jak di kerusi rajautu, kataunyau, “Mbak kini bada Allah di guak manusiau, mangku Diau ka seghundak ngan ughangtu. Ughangtu ka njadi umatAu, mangku Diau ka njadi Allah ughangtu.

PENGINA'AN 4:1

La udim itu aku tekinak agi. Aku nginak adau duaghau tebukak di sergau, mangku aku ndengagh agi suarau diau la kudengagh empaini, muniau luak terumpit, kataunyau, “Mela, nayiakla ke sini, mangku aku ka nunjuakka ngan kaba setu diau mesti tejadi nanti.”

PENGINA'AN 4:4

Di ngepungan kerusi rajautu adau duau pulua empat kerusi agi. Di kerusitu duduak duau pulua empat tuau-tuau diau makai baju putia ngan gitar emas di pala'au.

PENGINA'AN 5:13

Mangku aku ndengagh gegalaunyau diau benyawau empuak di sergau empuak di deniau empuak di bawa deniau empuak diau di laut ngan gegalaunyau diau di dalamau bekatau, “Jemau diau duduak di kerusi rajau ngan Anak Bebiri dipuji ngan diregaui ngan diagungka ngan bekuasau selelamaunyau!”

PENGINA'AN 7:15

Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.

PENGINA'AN 7:9

La udim itu aku nginak, mangku adau tunggalan jemau banyak diau nidau kebilangan agi. Ughangtu jak di gegalau bangsau ngan jungku ngan pemili ngan basau betegak di adapan kerusi rajau ngan di adapan Anak Bebiritu. Ughangtu makai baju putia, mangku adau daun paku bindu di tanganau.