PENGINA'AN 12:9 - PEJANJIAN EMPAI CERITAU ILUAK

⁹ Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

PENGINA'AN 12:9 ပူးပေါင်းရင်းမြစ်များ

MATIUS 13:39

Musua diau ngamburka benia lalang itu Iblis. Masau ngetam aghi kiamat, mangku jemau diau ngetam itu malaikat-malaikat.

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 4:1

Mangku Yesus dibata'i Rua Allah ke padang bungin endak dicubaui Iblis.

MATIUS 4:10

Mangku Yesus nimbal, “Kisitla kaba, Iblis! Di Injil ditulis, ‘Kaba mesti nyemba Tuhan, Allah kaba. Diau ajaula mesti kaba semba.’ ”

MATIUS 4:5

Udim itu Iblis mbatak Yesus ke Yerusalim, kuta sucitu, mangku diajung betegak di pucuak mubungan Ghuma Allah.

MATIUS 4:8

La udim itu Iblis mbatak Yesus agi ke gunung diau tinggi nianan, diancakkanyau ngan Diau gegalau kerajauan di deniauni ngan gegalau kekayauannyau

LUKAS 10:18

Yesus nimbal, “Aku nginak pengulu iblis umban jak di langit luluak kilat.

LUKAS 13:16

Di sini adau sughang tinau, pengadau Abraham, diau la delapan belas taun dikuasaui iblis. Apu diau nidau bulia dibibaska jak di iblistu aghi Sabat?”

LUKAS 22:3

Mangku Iblis la nguasaui Yudas diau pulau dikiciakka Iskariut. Diautu sughang jak di duau belas anak-bua Yesus.

LUKAS 22:31

Simun, Simun, dengaghkala. Iblis la diajung nguji kamu, luak padi ditampi.

LUKAS 8:12

Benia diau tumban di jalan ibarat jemau diau ndengagh kici'an itu, anyautu iblis datang merebutinyau jak di atiau, supayau diau jangan percayau ngan jangan diselamatka.

YUHANIS 12:31

Mbak kini la masaunyau deniau diukum, mbak kini penguasau deniau ka dicapakka keluagh.

YUHANIS 14:30

Aku nidau ka ngiciak banyak agi ngan kamu, karnau la masaunyau penguasau deniauni datang. Anyautu diau nidau bekuasau ngan diriKu.

YUHANIS 16:11

Mangku Diau ka nyatauka pulau Allah la mulai ngukum, karnau penguasau deniauni la diukum.

YUHANIS 8:44

Bak kapu dighi Iblis, mangku kapu dighi endak nuruti kendak bak kapu dighi. Iblistu pembunua manusiau jak di senitu. Diau nidau kekela idup benagh, karnau nidau bediau setu diau benagh di diau. Amun diau mbu'ung, itu biasau, karnau luak itula caraunyau, karnau diau pembu'ung ngan bak gegalau pembu'ung.

RASUL 26:18

endak mbukakka matau ughangtu, supayau ughangtu ngeluagh jak di keleman masuak terang, supayau ughangtu lepas jak di kuasau iblis mangku dikuasaui Allah. Mangku dusaunyau ka diabiska, karnau ughangtu percayau ngan Aku, mangku ughangtu njadi angguta umat Allah diau dipilia itu.’ ”

RASUL 5:3

Mangku Pitrus ngiciak ngan diau, kataunyau, “Ananias, ngapau kaba enangka iblis nguasaui ati kaba? Ngapau kaba mbu'ungi Rua Allah ngan mbunika separau tanci regau tanatu?

RUM 16:18

karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

RUM 16:20

Allah ngenjuakka damai ngan manusiau. Diau ka cepat ngancurka kuasau iblis ngan nunduakka diau ngan kamu. Yesus, Tuhan kitau, maju iluak ngan kamu.

2 KURINTUS 11:14

Nidau nanti kemangan ughangtu ngerjauka titu. Iblis pulau luluak malaikat terang.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 12:7

Mangku supayau aku jangan geduak karnau pengina'an diau nyeliatu, aku dienjuakka setu diau luak dughi di badanku. Titu njadi alat Iblis endak mbaduk aku, mangku aku jangan geduak.

2 KURINTUS 2:11

Mangku Iblis jangan adau jalan nguasaui kitau, karnau kitau la keruan rencanaunyau.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

2 TESALUNIKA 2:3

Empuak luak manau, jangan kamu ditipuka jemau, karnau antak ka aghitu sampai, banyak jemau ka ngelipat ngan melawan Allah. Mangku ka adau sughang Jemau Ja'at diau ditetapka masuak ke nerakau.

1 TIMUTIUS 2:14

Lagi pulau ukan Adam diau ditipuka ulagh, tapitu Hawa, mangku melanggar perinta Allah.

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

1 YUHANIS 5:19

Kitau keruan, bansau kitauni asalau jak di Allah, empuak gegalau deniauni dikuasaui Iblis.

YUDAS 1:9

Mikail, pengulu malaikattu, nidau pulau ngerjauka titu. Masau diau bebala ngan Iblis mbalaka sapau diau ka dapat mayat Musa, nidau beghani nggelakka Iblis ngan kici'an. Diau cuman ngiciakka, “Tuhan ka marai kaba!”

PENGINA'AN 12:12

Karnau itu riangla, ui sergau ngan gegalau kamu diau adau di dalamau. Celakaula kamu, ui deniau ngan laut, karnau Iblis la tughun guak kamu. Diau mara kematila, karnau la keruan masaunyau tigha jerang agi.”

PENGINA'AN 12:3

Mangku tekinak agi di langit setu diau nyelia. Adau sikuak nagau abang diau besak nianan. Pala'au tujua, tandu'au sepulua. Di pala'autu adau tujua gitar.

PENGINA'AN 12:7

Mangku adau perang di sergau. Mikail ngan malaikat-malaikatau beperang melawan nagautu. Nagautu pulau beperang ditulung anak-buahau.

PENGINA'AN 12:8

Anyautu nagautu dikalaka, mangku nidau diajung agi mendam di sergau.

PENGINA'AN 13:14

Mangku gegalau jemau di deniauni ditipuka ngan tandau nyelia diau dikerjauka di adapan benatang tadi karnau kuasaunyau. Mangku diajungau negakka patung endak nyemba benatang diau la lukau ngan pedang anyautu maju idup.

PENGINA'AN 16:14

Ruatu rua sitan diau mbuat tandau nyelia. Tigau ruatu pegi njenguak gegalau rajau di deniau ngajung betunggal endak beperang masau aghi besak, masau Allah nyatauka kuasauNyau.

PENGINA'AN 18:2

Ngan suarau nyaghing diau bekatau, “La rubua, la rubua galau kuta Babil diau besaktu. Diau la njadi bada iblis, bada rua ja'at nyemuni galau, bada gegalau burung diau makan buntang diau diluatka jemau,

PENGINA'AN 18:23

Nidau ka kina'an agi sinagh lampu di kaba. Nidau ka kedengaghan agi reramian jemau nika. Senitu pedagang kaba jemau penting di deniauni. Ngan kuasau gelap kamu nipuka gegalau bangsau di deniau.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.

PENGINA'AN 2:24

Anyautu kamu diau lain diau adau di Tiatira nidau ngikut ajaghan itu ngan nidau melajaghi ajaghan diau dikiciakka Ilmu Iblis. Ngan kamutu Aku bekatau, Aku nidau endak nambai beban kamu.

PENGINA'AN 2:9

Aku keruan kaba sengsarau ngan serik, awuak sebenaghau kaba kayau. Aku keruan buru'an jemau diau ngakuak diriau jemau Yahudi, awuak sebenaghau ukan. Ughangtu umat iblis?

PENGINA'AN 20:10

Mangku Iblis diau nyesatka ughangtu dicapakka dalam laut api ngan belirang, bada benatang ngan nabiautu, disiksau siang malam enggut selelamaunyau.

PENGINA'AN 20:8

Mangku diau ka pegi nyesatka gegalau bangsau di deniau, di Gug ngan Magug, ditunggalkanyau ughangtu endak beperang. Banya'au ughangtu luak bungin di tepi laut.

PENGINA'AN 3:9

Kina'ila, jemau diau njadi anak iblis, pembu'ung diau ngakuak diriau jemau Yahudi awuak ukan. Ughangtu ka diseraka ngan kaba. Aku ka mbuat ughangtu njenguak kaba ngan nunduak di adapan kaba. Mangku ughangtu ngakuak, bansau Aku nyayangi kaba.

PENGINA'AN 9:1

La udim itu malaikat diau kelimau ngembus terumpitau, mangku aku nginak sutiak bintang tumban jak di langit ke deniau, mangku dienjuakka ngan diau anak kunci jurang maut,

PENGINA'AN 9:20

Anyautu jemau lain diau lum mati karnau sengsarautu, nidau nian ngubai jak di kerjaunyau. Ughangtu nidau mandak nyemba iblis, patung jak di emas, pirak, tembagau, batu ngan kayu diau nidau pacak nginak ngan ndengagh ngan bejalan.