PENGINA'AN 11:15 - PEJANJIAN EMPAI CERITAU ILUAK

¹⁵ La udim itu malaikat diau ketujua ngembus terumpitau, mangku adau suarau nyaghing di sergau, kataunyau, “Diau nguasaui deniauni Tuhan kitau ngan Rajau Penyelamat diau la dijanjikaNyau. Diau ka merinta luak rajau selelamaunyau.”

PENGINA'AN 11:15 ပူးပေါင်းရင်းမြစ်များ

MATIUS 24:31

Terumpit diau besak ka dimunika, mangku Anak Manusiau ka ngajung malaikatAu nunggalka umatAu jak di gegalau deniau.”

MATIUS 6:13

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

LUKAS 1:33

Mangku Diau ka merinta pengadau Yakub selelamaunyau. KekuasauanNyau nidau ka udim-udim.”

LUKAS 15:10

Keruanila, luak itu pulau malaikat-malaikat Allah keriangan, karnau sughang jemau bedusau betubat.”

LUKAS 15:6

La sampai di ghuma dipantaunyau jemau pasigh ghumahau ngan kantin lainau sampai bekatau ngan ughangtu, ‘Mela, kitau beriang-riang, karnau bebiriku diau lengit itu la dapat.’

RASUL 4:26

Rajau-rajau deniau bedandan endak beperang. Pengulu-pengulu betunggal endak melawan Tuhan ngan Rajau Penyelamat.’

IBRANI 1:8

Anyautu ngan Ana'Autu Allah bekiciak, “Kabatu Allah, Rajau selelamaunyau! Kaba merinta ngan adil.”

PENGINA'AN 10:7

Anyautu amun malaikat ketujua ngembus terumpitau, mangku Allah ka ngerjauka rencanaunyau diau diresiaukatu, luak la dikiciakkaNyau ngan nabi-nabi, budak-buda'Autu.”

PENGINA'AN 12:10

La udim itu aku ndengagh suarau diau nyaghing di sergau bekatau, “Mbak kini la masaunyau Allah nyelamatka umatAu. Mbak kini la nyatau kuasau Allah diau merinta luak Rajau. Mbak kini Rajau Penyelamat diau dijanjikatu la nyatauka kuasauNyau. Karnau Iblis diau mburuakka kantin-kantin kitau di adapan Allah siang malam la dilaratka jak di sergau.

PENGINA'AN 15:4

Sapau nidau takut ngan Dighi, Tuhan? Sapau enggup ngagungka namau Dighi? Cuman Dighi ajau diau suci. Gegalau bangsau ka datang nunduak nyemba Dighi, karnau carau Dighi diau adiltu la kina'an ngan gegalau jemau.”

PENGINA'AN 16:17

Udim itu malaikat diau ketujua nuangka isi panau ke awang-awang, mangku adau suarau nyaghing jak di dalam Ghuma Allah di guak kerusi rajautu, kataunyau, “La udim!”

PENGINA'AN 17:14

Ughangtu ka beperang melawan Anak Bebiri. Anyautu Anak Bebiritu ka ngalaka ughangtu, karnau Diautu Tuan gegalau tuan ngan Rajau gegalau rajau. Gegalau anak-buaHau, diautu jemau diau setia ngan dipiliHautu, ka ngikut menang ngan Anak Bebiritu.”

PENGINA'AN 19:1

La udim itu aku ndengagh suarau bias jak di jemau banyak nianan di sergau, kataunyau, “Haleluya! Tepujila Allah! Allah kitau Allah diau nyelamatka. Diau agung ngan bekuasau.

PENGINA'AN 19:6

La udim itu aku ndengagh muni luak suarau jemau banyak nianan, luak muni ayiak besak ngan gurua diau besak, kataunyau, “Haleluya, tepujila Allah! Karnau Tuhan Allah kitau diau Mahakuasau la njadi Rajau.

PENGINA'AN 20:4

Mangku aku nginak kerusi-kerusi rajau ngan jemau diau duduak di pucu'autu dienju'i kuasau endak ngakimi. Aku pulau nginak jiwa jemau diau la dipancung liaghau karnau nceritauka Yesus ngan ngiciakka katau Allah. Ughangtu nidau nyemba benatang ngan patungautu ngan pulau nidau nerimau tandaunyau di keningau ngan di tanganau. Ughangtu idup agi mangku merinta luak rajau serempak ngan Keristus selamau seribu taun.

PENGINA'AN 8:12

La udim itu malaikat diau keempat ngembus terumpitau, mangku bagi tigau sebagi jak di matau-aghi ngan bulan padam, mangku bagi tigau sebagi jak di bintang padam pulau. Mangku aghi siang bagi tigau sebagi nidau terang, luak itu pulau aghi malam.

PENGINA'AN 9:1

La udim itu malaikat diau kelimau ngembus terumpitau, mangku aku nginak sutiak bintang tumban jak di langit ke deniau, mangku dienjuakka ngan diau anak kunci jurang maut,

PENGINA'AN 9:13

La udim itu malaikat diau keenam ngembus terumpitau, mangku aku ndengagh suarau jak di empat tanduak di bada bekerban jak di emas diau adau di adapan Allah