MATIUS 9:35 - PEJANJIAN EMPAI CERITAU ILUAK

³⁵ Luak itula Yesus pegi ngidari gegalau kuta ngan dusun. Diau ngajagh dalam ghuma-ghuma sembayang ngan ngiciakka ceritau iluak, bansau Allah laka merinta luak rajau, mangku Diau meghaduka jemau jak di gegalau idapan ngan cacat.

MATIUS 9:35 ပူးပေါင်းရင်းမြစ်များ

MATIUS 10:1

Yesus milia duau belas anak-buaHau, dienjuakkaNyau kuasau endak melaratka iblis ngan meghaduka gegalau idapan ngan gegalau cacat.

MATIUS 11:1

La udim diau ngajagh duau belas anak-buaHau, Yesus pegi jak di situ endak ngajagh ngan ngiciakka ceritau iluak di kuta lain.

MATIUS 11:5

Jemau butau nginak, jemau lumpua bejalan, jemau buidapan ja'at ghadu, jemau tuli ndengagh, jemau mati ngulang idup, ngan ceritau iluak dikiciakka ngan jemau sarau.

MARKUS 1:14

Yuhanis la dijilka, mangku Yesus pegi ke Galilia ngiciakka ceritau iluak jak di Allah.

MARKUS 6:56

Di manau kila Yesus datang, empuak di kuta, empuak di dusun, empuak di talang, jemau mbata'i jemau buidapan ke lapangan ngan mintak, supayau diajung mbibit baju Yesus, empuak cuman ujungAu. Mangku gegalau jemau diau mbibitau ghadu galau.

MARKUS 6:6

Diau kemangan karnau ughangtu nidau percayau. Mangku Diau pegi ke dusun-dusun di ngepungannyau sampai ngajagh.

LUKAS 13:22

Yesus melajuka pejalananNyau ke Yerusalim, Diau melalui kuta ngan dusun sampai ngajagh.

RASUL 10:38

Kapu dighi la keruan katau Yesus, jemau Nasarittu, mbak bansau Diautu dipilia Allah ngan dienjuakkaNyau Rua Allah ngan kuasau, mangku Diautu pegi ke manau-manau endak ngerjauka setu diau iluak ngan meghadui gegalau jemau diau diarung iblis, karnau Allah nyertaui Diau.

RASUL 2:22

Ui, kapu dighi, dengaghkala kataukuni. Yesus, jemau Nasarit itu, la dipilia Allah. Itu dinyatauka ngan kapu dighi ngan tandau-tandau ngan setu diau nyelia diau dikerjauka Yesus guak kapu dighi ngan kuasau Allah, luak kapu dighi la keruan galau.