MATIUS 8:16 - PEJANJIAN EMPAI CERITAU ILUAK

¹⁶ Aghi laka malam, banyak jemau diau diarung iblis dibatak guak Yesus. Mangku ngan sepata katau ajau Yesus ngisitka iblis itu ngan meghaduka gegalau jemau buidapan.

MATIUS 8:16 ပူးပေါင်းရင်းမြစ်များ

MATIUS 12:22

La udim itu dibatak njenguak Yesus sughang butau ngan bisu karnau diarung iblis. Yesus meghaduka jemautu, mangku diau pacak ngiciak ngan nginak.

MATIUS 14:14

Satu Yesus tughun jak di perawu ngan nginak jemau banyak itu, Diau sial ngan ughangtu, mangku dighadukaNyau jemau diau buidapan.

MATIUS 8:15

Yesus ngecakka tanganau mangku demamautu ghadu. Tinautu bangun nepi'i Diau.

MATIUS 8:33

Tukang-tukang sayia kaput itu belaghi ke kuta nceritauka gegalaunyau diau la tejaditu, pulau ceritau ughang duau diau diarung iblis tadi.

MATIUS 9:2

Mangku adau jemau mbatak sughang jemau lumpua. Diau maju tebadai di bada tidu'au. Satu Yesus nginak ughangtu percayau nian, Diau bekatau ngan jemau lumpua tadi, “Ui, kantinKu, dusau kaba la diabiska.”

MARKUS 2:3

Diau dang ngiciak, adau jemau datang mbatak sughang jemau lumpua, dijagang ughang empat.

MARKUS 5:8

Diau ngiciak luak itu, karnau Yesus la ngiciak ngan diau, “Ui, iblis, keluaghla jak di jemau ini!”

MARKUS 9:25

Yesus nginak jemau banyak datang ngelilingi Diau, Diau ngajung iblistu kisit, katauNyau, “Ui kaba, iblis diau mbuat bisu ngan tuli, kisitla jak di budak keciak ini. Jangan ngarung diau agi!”

LUKAS 13:12

Satu Yesus nginak tinau itu, dipantauNyau, dikiciakka ngan diau, katauNyau, “Idapan dighi la ghadu.”

LUKAS 4:40

Matau-aghi la padam, banyak jemau mbatak jemau buidapan njenguak Yesus. Idapannyau bemecam-mecam. Yesus nepiakka tanganAu di bilang palak ughangtu, mangku diau ghadu.

LUKAS 4:41

Iblis-iblis pulau ngeluagh jak di banyak jemau sampai mekiak-mekiak, kataunyau, “Kaba Anak Allah.” Mangku Yesus marai iblis itu, nidau ngajung diau ngiciak, karnau iblistu keruan, bansau Diautu Rajau Penyelamat.

RASUL 5:15

Mangku jemau buidapan dibata'i ke jalan ghedang, ditiduakka belapiak tikagh, mangku amun Pitrus lalu, senidau-nidaunyau kenau bayangau.