MATIUS 7:7 - PEJANJIAN EMPAI CERITAU ILUAK

⁷ “Pintakla, mangku kamu ka dienju'i. Bedalakla, mangku kamu ka bepulian. Gagurla duaghau, mangku kamu ka dibuka'i.

MATIUS 7:7 ပူးပေါင်းရင်းမြစ်များ

MATIUS 18:19

Keruanila pulau, amun duau ughang jak di kamu di deniauni la sepakat endak mintak tuapau kila, pinta'an itu ka dibulihi BapakKu diau di sergau.

MATIUS 21:22

Tuapau ajau diau kamu pintak dalam du'a kamu ka nerimaunyau, amun kamu percayau nian.”

MATIUS 6:33

Anyautu kamu beusahala, mangku Allah njadi rajau kamu, ngan kerjaukala kenda'Au, mangku gegalaunyautu ka dienjuakka ngan kamu.

MATIUS 7:11

Amun kamu diau ja'at pacak ngenjuak diau iluak ngan anak kamu, apau lagi Bapak kamu diau di sergau! Diau ka ngenju'i setu diau iluak ngan jemau diau mintak ngan Diau.

MATIUS 7:8

Karnau bilang jemau diau mintak dienju'i, bilang jemau diau ndalak bulia, mangku bilang jemau diau nggagur duaghau dibuka'i.

MARKUS 11:24

Karnau itu ingatkala ini: Setu diau kamu pintak dalam du'a percayaula, bansau kamu la nerimaunyau, mangku titu ka dienjuakka ngan kamu.

LUKAS 13:25

Amun tuan ghuma la ngunci duaghau, kamu ka betegak di luagh sampai nggagur duaghau ngan bekatau, ‘Tuan, buka'ila kami duaghau!’ Mangku diau ka nimbal, ‘Aku nidau keruan kamu jak di manau.’

LUKAS 18:1

Udim itu Yesus ngiciakka cuntau ceritau endak ngajagh anak-buaHau, supayau ughangtu maju bedu'a jangan mura puas,

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 15:7

Amun kamu maju mendam di Aku ngan kici'anKu maju di ati kamu, pintakla tuapau kila kamu endak, mangku kamu ka dienju'i.

YUHANIS 4:10

Timbal Yesus, “Amun kaba keruan, tuapau diau dienjuakka Allah, ngan sapau diau mintak minum ngan kaba, cengki kaba mintak ngan Diau, mangku Diau ka ngenju'i kaba ayiak diau ngenjuakka idup.”

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

RUM 3:11

Nidau sughang kiala diau ngerti. Nidau sughang kiala pulau diau nurut kendak Allah.

IBRANI 11:6

Amun nidau percayau, nidau ka adau Allah riang ngan jemau. Karnau jemau diau datang ngadap Allah mesti percayau, bansau Allahtu adau, ngan ngenjuakka upa ngan jemau diau ndala'i Diau ngenian.

YAKUBUS 5:15

Bedu'a ngan Tuhan ngan percayau, mangku jemau buidapantu ka ghadu. Tuhan ka meghadukanyau, mangku amun diau la bedusau, dusaunyau ka diabiska.

1 YUHANIS 3:22

Mangku setu diau kitau pintak ngan Diau, kitau ka bulia, karnau kitau ta'at ngan perintaHau ngan ngerjauka setu diau melemakka atiAu.