MATIUS 7:11 - PEJANJIAN EMPAI CERITAU ILUAK

¹¹ Amun kamu diau ja'at pacak ngenjuak diau iluak ngan anak kamu, apau lagi Bapak kamu diau di sergau! Diau ka ngenju'i setu diau iluak ngan jemau diau mintak ngan Diau.

MATIUS 7:11 ပူးပေါင်းရင်းမြစ်များ

MATIUS 23:9

Mangku jangan kamu mantau sughang kia ‘bapak’ di deniau ini, karnau bapak kamu cuman sughang, Bapak diau adau di sergau.

MATIUS 7:10

Apu dienju'i ulagh, amun diau mintak ikan?

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

RUM 3:19

Kitau keruan, gegalaunyau diau ditulis di ukum Taurat ditulis batan endak jemau diau semestiau nuruti ukum Taurattu. Mangku nidau bediau tapakan agi ngan gegalau jemau diukum Allah.

RUM 3:9

Mbak kini luak manau? Tuapau lebihau kitau jemau Yahudi? Nidau bediau lebihau. La kukiciakka, empuak jemau Yahudi empuak jemau bangsau lain, gegalaunyau dikuasaui dusau.

RUM 8:32

Allahtu rila nyeraka Ana'Au batan endak kitau galau. Baghia Diau nidau ngenjuakka ngan kitau gegalaunyau diau lainau.

GALATIA 3:22

Anyautu di Injil la ditulis, bansau gegalau manusiau la dikuasaui dusau, mangku setu diau dijanjika Allah dienjuakka ngan jemau diau percayau ngan Keristus, karnau janjitu cuman dienjuakka ngan jemau amun percayau.

YAKUBUS 1:17

Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

1 YUHANIS 3:1

Keruanila, Allah sayang nian ngan kitau, mangku kitau dikiciakka anak-anak Allah. Nyela, kitau anak Allah. Itula sebapau deniau nidau keruan kitau, karnau diau nidau keruan Allah.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.