MATIUS 6:1 - PEJANJIAN EMPAI CERITAU ILUAK

¹ “Ingatkala jangan kamu ngerjauka kewajiban agamau di mukau jemau banyak endak dikinak jemau. Amun kamu bebuat luak itu, kamu nidau ka dienju'i upa ngan Bapak di sergau.

MATIUS 6:1 ပူးပေါင်းရင်းမြစ်များ

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

MATIUS 16:6

Yesus bekatau ngan ughangtu, “Sepepadaula ngan bejagaula ngan ghagi jemau Parisi ngan jemau Saduki.”

MATIUS 23:13

“Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi ngalangi jemau njadi umat Allah. Kapu dighitu nidau ka njadi umat Allah, mangku jemau lain diau endak nidau kapu dighi ajung.

MATIUS 23:5

Gegalaunyau diau dikerjauka ughangtu cuman endak dikinak jemau ajau. Ughangtu makai tali sembayang diau libagh ngan ghambu baju diau panjang.

MATIUS 25:40

Mangku Rajau itu ka nimbal, ‘Keruanila, setu diau kamu ngerjauka ngan sala sughang kantinKu ini empuak diau inau sekali, kamu kerjauka batan endak Aku.’

MATIUS 5:16

Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

MATIUS 5:46

Amun kamu nyayangi ajau jemau diau sayang ngan kamu, nidau bediau jasa batan endak kamu. Tukang tagia cuki pulau ngerjauka titu.

MATIUS 5:48

Kamu mesti sempernau luak Bapak kamu di sergau.”

MATIUS 6:16

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau.

MATIUS 6:9

Bedu'ala luak ini: ‘Bapak kami diau di sergau, kami endak namau Dighi diregaui, karnau Dighi suci.

MARKUS 8:15

Yesus bekatau ngan ughangtu, “Sepepadaula nian ngan ghagi jemau Parisi ngan ghagi Herudis.”

LUKAS 11:35

Karnau itu sepepadaula, supayau terang diau adau di ati kamu nidau njadi keleman.

LUKAS 12:1

Beribu-ribu jemau bererincitan, sampai adau diau tepijak keting. Penarau ughangtu betunggal, Yesus ngiciak ngan anak-buaHau, katauNyau, “Sepepadaula ngan ghagi jemau Parisi, diautu cak alim.

LUKAS 12:15

Mangku katau Yesus lagi, “Dengaghkala! Sepepadaula, supayau kamu jangan selak, karnau empuak sughang banyak kematila retaunyau, idupau nidau tegantung ngan kekayauannyautu.”

LUKAS 16:15

Mangku Yesus bekatau ngan ughangtu, “Kapu dighini jemau diau endak kina'an benagh di mukau jemau, anyautu Allah keruan isi ati kapu dighi. Karnau setu diau dianggap manusiau iluak diluatka Allah.

YUHANIS 12:43

Ughangtu galakla dipuji manusiau sangkan dipuji Allah.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

RASUL 3:12

Pitrus nginak jemau banyak itu mangku bekatau, “Ui, kapu dighi. Ngapau kapu dighi kemangan nginak titu? Ngapau kapu dighi ngina'i kami? Apu kapu dighi kirau, kami mbuat jemautu bejalan, karnau adau kuasau di kamini ngan kamini alim nian?

GALATIA 6:12

Jemau diau nganggap diriau lebia karnau setu diau kina'an, ughangtula diau endak masauka kamu besunat. Ughangtu ngerjauka titu, supayau nidau diluatka jemau Yahudi karnau ngiciakka ceritau Keristus diau mati di kayu salip.

IBRANI 11:26

Musa nganggap beregaula digelakka karnau Rajau Penyelamat diau dijanjika Allahtu sangkan bulia gegalau retau Mesir, karnau diau ngaghapka upa nanti.

IBRANI 2:1

Itula sebapau kitau mesti meratika nian ajaghan diau la kitau dengagh, mangku kitau jangan ngikut anyut.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

2 YUHANIS 1:8

Sepepadaula, mangku kamu jangan kelengitan setu diau la kami kerjauka batan endak kamu. Beusahala, mangku kamu nerimau upa gegalaunyau.