MATIUS 5:45 - PEJANJIAN EMPAI CERITAU ILUAK

⁴⁵ Ngan carau luak itu kamu njadi anak-anak Bapak kamu diau di sergau. Diautu numbuaka matauaghi batan endak jemau iluak ngan jemau diau ja'at pulau, ngan nughunka ujan batan endak jemau diau benagh ngan jemau diau nidau benagh pulau.

MATIUS 5:45 ပူးပေါင်းရင်းမြစ်များ

MATIUS 5:9

Riangla jemau diau ndamaika jemau, karnau diau ka dikiciakka anak Allah.

LUKAS 6:35

Anyautu kamu, sayangila musua kamu, iluakla ngan ughangtu. Pinjamkala ngan jangan ngaghapka dibaliakkanyau. Amun luak itu, upa kamu ka besak, mangku kamu ka njadi anak-anak Allah diau Mahatinggi. Karnau Allah iluak ngan jemau diau nidau tau beterimau-kasia, ngan jemau diau ja'at pulau.

YUHANIS 13:35

Amun kamu sangi sayangi, gegalau jemau ka keruan, bansau kamu anak-buaKu.”

RASUL 14:17

Empuak luak itu, Diau nidau kelingauan mbuktika diriAu ngan kerjau diau iluak. Diautu ngenjuakka ujan jak di langit ngan asil tana padau pangkaunyau. Diau ngenjuakka makanan ngan kapu dighi ngan nyenangka ati kapu dighi.”

IPISUS 5:1

Kamu la njadi anak Allah diau disayangiNyau. Karnau itu penaula Diau.

PILIPI 2:15

Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

1 YUHANIS 3:9

Jemau diau la njadi anak Allah nidau agi bebuat dusau. Sipat Allah itula adau di diau, mangku diau nidau agi bedusau, karnau la njadi anak Allah.