MATIUS 5:29 - PEJANJIAN EMPAI CERITAU ILUAK

²⁹ Mangku amun matau kanan kaba mbuat kaba bedusau, cungkilla ngan capakka matautu. Iluakla kelengitan sutiak jak di dandanan badan, sangkan gegalau badan kaba dicapakka dalam nerakau.

MATIUS 5:29 ပူးပေါင်းရင်းမြစ်များ

MATIUS 10:28

Jangan kamu penakut ngan jemau diau cuman pacak mbunua badan, tapitu nidau bekuasau mbunua jiwa. Takutla ngan Allah diau bekuasau mbenasauka dalam nerakau badan ngan jiwa.

MATIUS 11:6

Mangku riangla jemau diau nidau keciwau ngan nulak Aku.”

MATIUS 16:26

Tuapau untungau, amun jemau bulia gegalau deniau njadi retaunyau, anyautu diau ka benasau? Tuapau diau pacak ditukarka batan endak nyawaunyau?

MATIUS 17:27

Tapitu jangan kitau nyinggung jemau. Pegila mancing ke danau. Mangku ikan diau bulia dulu sekali, ambiakla, bukakla mulutau. Di mulutautu kaba ka bulia tanci batan endak mbayighi cuki kitau duau. Ambiakla tancitu ngan bayighla cuki kitau duau batan endak Ghuma Allah.”

MATIUS 19:12

Adau jemau nidau pacak nika, karnau lahir luak itu. Adau pulau diau nidau pacak nika, karnau dibuat jemau lain luak itu. Adau pulau diau milia nidau endak nika, mangku pacak bekerjau batan endak Allah. Jemau diau pacak nerimau ajaghan ini, nengkela diau nerimaunyau.”

MATIUS 23:15

Celakaula kapu dighi, ai guru-guru ukum Taurat ngan jemau Parisi, kapu dighi jemau cak alim. Kapu dighi pegi jawua-jawua nyembeghang laut ngan ngidari daghatan cuman endak dijadika sughang ajau anak-bua kapu dighi. La udim diau njadi anak-bua kapu dighi, dijadika anak nerakau diau lebia ja'at jak di kapu dighi.

MATIUS 23:33

Ai, kapu dighi jemau ja'at ngan pengadau jemau ja'at luak ulagh bebisau. Luak manau kapu dighi pacak nyelamatka diri jak di ukuman di nerakau?

MATIUS 5:22

Anyautu mbak kini Akuni bekatau ngan kamu luak ini: Jemau diau marai kantinau mesti diukum. Jemau diau ngiciakkanyau ‘buyan’, mesti diadapka ngan pengadilan agamau. Mangku jemau diau ngiciakkanyau ‘kapir’, arus dicapakka dalam api nerakau.

MATIUS 5:30

Amun tangan kanan kaba mbuat kaba bedusau, tetakla ngan capakka tangantu. Iluakla kelengitan sutiak jak di dandanan badan, sangkan gegalau badan kaba dicapakka dalam nerakau.”

MARKUS 8:36

Tuapau untungau, amun sughang ngempu gegalau deniau njadi retaunyau, anyautu nyawaunyau benasau?

LUKAS 12:5

Nyela, Aku ka nunjuakka ngan kamu, sapau diau mesti kamu takuti. Takutla ngan Allah, karnau la udim ngambiak nyawau, Diau bekuasau pulau ncapakka dalam nerakau. Percayaula, Diautu mesti kamu takuti.

RUM 6:6

Kitau keruan, bansau carau idup kitau diau lamau la mati serempak ngan Keristus di kayu salip, supayau serilau kitau diau melawan Allah nidau bekuasau agi, mangku kitau nidau agi dikuasaui dusau.

RUM 8:13

Amun kamu idup nurut serilau manusiau, kamu ka mati. Anyautu amun ngan kuasau Rua kamu la matika perembak diau bedusau, kamu ka idup.

1 KURINTUS 9:27

Aku melatia badanku enggut nguasaui gegalaunyau, supayau udim ngiciakka ceritau iluak ngan jemau lain, jangan akuni nidau diterimau.

GALATIA 5:24

Jemau diau la njadi hak Yesus Keristus, jemautu nidau agi nuruti kendak manusiau ngan gegalau serilaunyau.

KULUSI 3:5

Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,