MATIUS 5:16 - PEJANJIAN EMPAI CERITAU ILUAK

¹⁶ Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

MATIUS 5:16 ပူးပေါင်းရင်းမြစ်များ

MATIUS 23:5

Gegalaunyau diau dikerjauka ughangtu cuman endak dikinak jemau ajau. Ughangtu makai tali sembayang diau libagh ngan ghambu baju diau panjang.

MATIUS 23:9

Mangku jangan kamu mantau sughang kia ‘bapak’ di deniau ini, karnau bapak kamu cuman sughang, Bapak diau adau di sergau.

MATIUS 5:45

Ngan carau luak itu kamu njadi anak-anak Bapak kamu diau di sergau. Diautu numbuaka matauaghi batan endak jemau iluak ngan jemau diau ja'at pulau, ngan nughunka ujan batan endak jemau diau benagh ngan jemau diau nidau benagh pulau.

MATIUS 6:16

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau.

MATIUS 6:9

Bedu'ala luak ini: ‘Bapak kami diau di sergau, kami endak namau Dighi diregaui, karnau Dighi suci.

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

LUKAS 11:2

Mangku Yesus bekatau ngan ughangtu, “Amun kamu bedu'a, kiciakka luak ini: Bapak, kami endak namau Dighi diregaui karnau Dighi suci. Kami endak Dighi merinta kami.

YUHANIS 15:8

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

1 KURINTUS 14:25

Gegalau resiau dalam atiau ka kina'an, mangku diau ka nunduak nyemba Allah ngan ngaku'i, “Nyela, Allah adau nian guak kamu.”

2 KURINTUS 9:13

Karnau keilu'an diau kamu nyataukatu banyak jemau Keristen di Yudia ka muji Allah, karnau nginak kamu ta'at ngan ceritau iluak jak di Keristus diau kamu ikutitu. Ughangtu ka muji Allah pulau, karnau kamu iluak ngan ngenjuak setu diau adau di kamu ngan gegalau jemau.

GALATIA 1:24

Mangku ughangtu muji Allah karnau aku.

IPISUS 2:10

Kitauni buatan Allah, mangku karnau seghundak ngan Keristus, kitau dijadika endak ngerjauka setu diau iluak diau la disediaukaNyau sebelumau, supayau kitau ngerjaukanyau.

IPISUS 5:8

Nyela, senitu kamu idup bekeleman. Mbak kini kamu adau di terang, karnau la njadi umat Tuhan. Karnau itu kamu mesti idup dalam terang.

1 TESALUNIKA 2:12

Kami ngajagh kamu, neguaka ati kamu ngan ngajung kamu, supayau kamu idup melemakka ati Allah. Karnau Allah ngajak kamu njadi angguta umat Allah ngan ngikut meghasauka keagunganNyau.

1 TIMUTIUS 2:10

Jemau tinau mesti ndandani diriau ngan perembak diau iluak, diau pantas ngan jemau tinau diau endak ta'at ngan Allah.

1 TIMUTIUS 5:10

Randautu mesti tekenal ngerjauka kerjau diau iluak, misalau mbesakka ana'au ngan iluak, riang nerimau menda di ghumahau, mbasua keting jemau diau percayau, nulung jemau diau nanggung ngan ngerjauka nian gegalau kerjau diau iluak.

1 TIMUTIUS 5:25

Luak itu pulau kerjau diau iluak cepat kina'an, mangku diau nidau mura kina'an nidau pulau pacak maju tebuni.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

TITUS 2:7

Mangku kaba mesti ngerjauka kerjau diau iluak batan penauan. Kaba mesti ngajagh ngan jujur ngan ngenianau.

TITUS 3:14

Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

TITUS 3:4

Anyautu Allah, Penyelamat kitau, nyayangi kitau, la nyatauka keilu'anNyau ngan kitau.

IBRANI 10:24

Mela kitau sangi peratika, mangku kitau sangi ingatka endak ngerjauka diau iluak ngan sangi sayangi.

1 PITRUS 2:12

Carau idup kamu di guak jemau diau nidau keruan Allah mesti iluak nian. Mangku amun ughangtu ngiciakka kamu jemau ja'at, ughangtu maju nginak perembak kamu diau iluaktu, mangku ughangtu ka muji Allah masau Tuhan datang.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:1

Luak itu pulau kamu diau njadi bini, kamu mesti tunduak ngan laki kamu, supayau amun adau diau nidau percayau ngan ceritau jak di Allah, kerjau kamu pacak mbuat diau percayau, nidau nanti ngiciak tuapau-apau,

1 PITRUS 3:16

Kerjaukala titu ngan iluak ngan meregaui pendapat jemau. Ati keciak kamu mesti beresia, mangku amun kamu dikiciakka ja'at ikak ngerjauka diau iluak karnau percayau ngan Keristus, mangku jemau diau ngiciakka setu diau ja'attu ka maluan nian.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

1 PITRUS 4:14

Mujurla kamu, amun digelakka mbak kini karnau percayau ngan Keristus. Titu ngancakka, bansau Rua diau bekuasau, diautu Rua Allah, adau di kamu.