MATIUS 5:10 - PEJANJIAN EMPAI CERITAU ILUAK

¹⁰ Riangla jemau diau diluatka jemau, ikak nuruti kendak Allah, karnau diau ka diterimau Allah njadi umatAu.

MATIUS 5:10 ပူးပေါင်းရင်းမြစ်များ

MATIUS 10:23

Amun jemau nganiayau kamu di sebua kuta, laratla ke kuta diau lain. Aku bekatau ngan kamu, ‘Antak ka kamu udim nandangi gegalau kuta di Israil, Anak Manusiau la datang.’

MATIUS 19:14

Anyautu Yesus bekatau, “Nengkela budak-budak keciak datang njenguak Aku. Jangan dialangi, karnau jemau luak inila Allah pacak njadi rajau dalam idupau.”

MATIUS 25:34

Mangku Rajau itu ka bekatau ngan ughang di sebela kananAu, ‘Mela, kamu diau disayangi BapakKu. Masuakla ke bada diau disediauka batan endak kamu jak deniau adau.

MATIUS 5:3

“Riangla jemau diau meghasau nidau pacak mbuat tuapau-apau ngan ngaghapka Allah ajau, karnau diau diterimau Allah njadi umatAu.

MARKUS 10:14

Nginak titu, Yesus mara mangku ngiciak ngan anak-buaHau, katauNyau, “Nengkela budak-budak keciak itu njenguak Aku. Jangan dialangi, karnau jemau luak itula Allah pacak njadi rajau dalam idupau.

MARKUS 10:30

jemau itu ka nerimau nian mbak kini seratus kali lebia banyak jak di diau ditinggalkanyau tadi. Diau ka nerimau ghuma, ading-beghadingau, mak, anak, tana, empuak diau diluatka jemau di deniauni. Di masau diau ka datang jemautu ka nerimau idup selelamaunyau.

LUKAS 21:12

Antak ka gegalaunyautu tejadi, kamu ka ditangkap, disiksau, mangku kamu ka diadili di ghuma sembayang ngan dimasuakka ke jil. Kamu ka dibata'i ngadap rajau ngan penguasau-penguasau, karnau kamu percayau ngan Aku.

LUKAS 22:29

Bapak la ngenjuakka ngan Aku kuasau endak merinta. Luak itu pulau Akuni ka ngenjuakka kuasau itu ngan kamu,

LUKAS 6:20

Mangku Yesus ngina'i anak-buaHau ngan bekatau, “Riangla kamu jemau serik, karnau Allah njadi rajau kamu.

LUKAS 6:22

Riangla kamu, amun kamu diluatka, ditulak, digelakka ngan diburuakka jemau karnau Anak Manusiau.

YUHANIS 15:20

Ingatkala setu diau la Kukiciakka ngan kamu: Sughang budak nidau lebia bekuasau jak di tuanau. Amun ughangtu la nganiayau Aku, ughangtu ka nganiayau kamu pulau. Amun ughangtu la nuruti kici'anKu, ughangtu ka nuruti kici'an kamu pulau.

RASUL 5:40

Rasul tadi dipantau, dibaduki ngan pemecit ngan ditegahi agi ngajaghka dalam namau Yesus. Udim itu dilepaskanyau.

RASUL 8:1

Saulus pulau tetuju Setipanus dibunua. Mulai aghi itu jemau percayau di Yerusalim banyak dianiayau, mangku gegalau ughangtu lain jak di rasul teceghai-beghai ke gegalau Yudia ngan Samaria.

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

PILIPI 1:28

Kamu mesti maju beghani, jangan takut ngan lawan kamu. Ngan carau luak itu kamu ka njadi tandau ngan ughangtu, bansau ughangtu ka kala. Kamutu ka menang, karnau Allah ngenjuakka kemenangan ngan kamu.

2 TIMUTIUS 2:12

Amun kitau beta'an, kitau ka merinta ngan Diau. Amun kitau nidau endak ngaku'i Diau, Diau pulau nidau ngaku'i kitau.

2 TIMUTIUS 3:11

Kaba la nginak aku dianiayau ngan nanggung. Kaba keruan gegalaunyau diau tejadi di aku di Antiukia ngan Ikunium ngan Listera. Kaba keruan gegalaunyau diau kutanggungka. Anyautu jak di gegalaunyautu Tuhan la ngilakka aku.

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

YAKUBUS 5:11

Ughangtu dikiciakka jemau riang, karnau ughangtu beta'an. Kamu la ndengagh kengalighan Ayub ngan la keruan setu diau ahirau dienjuakka Tuhan ngan diau, karnau Tuhan penyayang ngan iluak atiAu.

1 YUHANIS 3:12

Jangan kamu luak anak Adam diau benamau Kain diau asalau jak di iblis ngan mbunua adingau. Mangku tuapau sebapau diau mbunua? Karnau kerjaunyautu ja'at galau, kerjau adingautu benagh.

PENGINA'AN 2:10

Nidau nanti takut ngan setu diau mesti kaba tanggungka. Ingatkala separau jak di kamu ka dimasuakka iblis dalam jil endak nguji kamu. Kamu ka sengsarau selamau sepulua aghi. Kamu mesti tekun enggut mati, mangku Aku ka ngenjuakka ngan kamu idup selelamaunyau njadi adia menang ngan kamu.