MATIUS 27:35 - PEJANJIAN EMPAI CERITAU ILUAK

³⁵ La udim itu Diau dipakuka di kayu salip, mangku tenteratu mbagi pekakasAu disuntinkanyau.

MATIUS 27:35 ပူးပေါင်းရင်းမြစ်များ

LUKAS 23:34

Yesus bekatau, “Bapak, ampunila ughangni, karnau ughangni nidau keruan tuapau diau dikerjaukanyautu.” Baju Yesus diagiaka ughangtu ngan disuntinkanyau.

YUHANIS 20:20

La udim bekatau luak itu, Diau ngancakka telapak tanganAu ngan ghusu'Au. Mangku anak-buaHautu riang nian nginak Tuhan.

YUHANIS 20:25

Mangku anak-buaHau tadi ngiciak ngan Tumas, kataunyau, “Kami la betemu ngan Tuhan!” Anyautu Tumas bekatau, “Amun aku lum nginak engkas besipaku di tanganAu ngan lum ncucuakka jaghiku ke engkas besipakutu ngan ncucuakka tanganku ke ghusu'Au, aku nidau ka percayau.”

YUHANIS 20:27

La udim itu Yesus ngiciak ngan Tumas, katauNyau, “Kina'ila tanganKu, tepiakka jaghi kaba di sini. Surungkala tangan kaba ngan cucuakka ke ghusuakKu. Mangku jangan kaba nidau percayau, anyautu percayaula.”

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

RASUL 4:10

Kapu dighi ngan bangsau kitau pulau mesti keruan galau, bansau jemau ini ghadu karnau kuasau Yesus Keristus, jemau Nasarit itu. Yesus itu diau la kapu dighi pakuka di kayu salip la diidupka Allah jak di mati.