MATIUS 26:28 - PEJANJIAN EMPAI CERITAU ILUAK

²⁸ Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

MATIUS 26:28 ပူးပေါင်းရင်းမြစ်များ

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

MATIUS 26:27

Udim itu Yesus ngambiak mangkuak besak, bedu'a beterimau-kasia, dienjuakkaNyau ngan ughangtu sampai bekatau, “Gegalau kamu minumla jak di mangkuak ini.

MATIUS 26:29

Percayaula, mulai mbak kini Aku nidau ka minum anggur ini agi, enggut Aku minum anggur diau empai serempak ngan kamu di bada BapakKu merinta.”

MATIUS 6:12

Ngabiska sala kami, luak kami ngabiska sala jemau ngan kami.

MARKUS 1:4

Luak itula Yuhanis Pembaptis muncul di padang bungin sampai bekatau, “Ubaila perembak ngan dusau kamu, ngan mintak dibaptis, mangku Allah ka ngabiska dusau kamu.”

MARKUS 14:24

Katau Yesus, “Inila daghaKu diau neguaka janji Allah, diau melilia batan endak banyak jemau.

LUKAS 22:19

Udim itu Yesus ngambiak ruti, bedu'a beterimau-kasia, dipiya'Au rutitu, dienjuakkaNyau ngan ughangtu sampai bekatau, “Inila badanKu diau dienjuakka batan endak kamu. Kerjaukala ini batan endak meghingati Aku.”

LUKAS 22:20

Luak itu pulau udim makan dienjuakkaNyau mangkuak anggur ngan bekatau, “Mangkuak ini umpamau pejanjian Allah diau empai diau diteguaka ngan daghaKu diau melilia batan endak kamu.

RUM 5:15

Anyautu ughang duautu nidau semegi. Besakla akibat keilu'an ati Allah sangkan akibat pelanggaran Adam. Nyela, banyak jemau mati, ikak sughang jemau nidau ta'at. Besakla akibat keilu'an ngan pengenjuak Allah diau dienjuakka ngan banyak jemau, karnau keilu'an ati sughang jemau, diautu Yesus Keristus.

RUM 5:19

Gegalau jemau la njadi jemau bedusau, karnau sughang jemau nidau ta'at. Luak itu pulau banyak jemau seilu'an agi ngan Allah, karnau sughang jemau diau ta'at ngan Allah.

1 KURINTUS 11:25

Luak itu pulau udim makan Diau ngambiak mangkuak anggur mangku bekatau, “Mangkuak anggur ini janji Allah diau empai, diau disahka ngan daghaKu. Idang kali kamu minum jak di mangkuakni, kerjaukala itu batan endak ngingatka Aku.”

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

KULUSI 1:14

Karnau Diau kitau la ditebus, retiau dusau kitau la diabiska.

KULUSI 1:20

Mangku karnau Diau, Allah ndamaika ngan diriAu gegalaunyau diau adau di sergau ngan di deniau. Allah ngerjauka titu ngan carau Ana'Au mati di kayu salip.

IBRANI 10:29

Apau agi jemau diau nijak-nijakka Anak Allah, jemau diau nggelakka dagha pejanjian Allah, itu kematian Keristus diau mberesiaka jak di dusau. Jemau itu nggelakka keilu'an Rua Allah. Beghatla ukuman jemautu.

IBRANI 13:20

Allah la ngidupka Yesus, Tuhan kitau, jak di mati. Mangku karnau Diau matitu, Diau njadi tukang sayia kitau diau agung. DaghaHautu pulau ngesahka janji diau dijanjika Allah ngan kitau. Aku bedu'a, supayau Allah diau ngenjuakka damai ndandani kamu ngan serbau diau iluak, mangku kamu pacak ngerjauka kenda'Au.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

PENGINA'AN 7:14

Katauku, “Tuan, aku nidau keruan. Dighitu ngeruaninyau.” Mangku diau bekiciak agi, “Ughangni jemau diau la beta'an di masau penanggungan diau beghat nian. Ughangni la nesa bajuau njadi putia ngan dagha Anak Bebiritu.

PENGINA'AN 7:9

La udim itu aku nginak, mangku adau tunggalan jemau banyak diau nidau kebilangan agi. Ughangtu jak di gegalau bangsau ngan jungku ngan pemili ngan basau betegak di adapan kerusi rajau ngan di adapan Anak Bebiritu. Ughangtu makai baju putia, mangku adau daun paku bindu di tanganau.