MATIUS 25:46 - PEJANJIAN EMPAI CERITAU ILUAK

⁴⁶ Mangku ughangtu ka diukum ngan ukuman selelamaunyau. Jemau diau ngerjauka kendak Allah tadi ka riang selelamaunyau.”

MATIUS 25:46 ပူးပေါင်းရင်းမြစ်များ

MATIUS 13:43

Masau itu jemau diau ngerjauka kendak Allah ka besinagh luak matau-aghi di deniau empai diau dienjuakka Allah, Bapak ughangtu. Amun betelingau, dengaghkala!”

MATIUS 19:16

Adau sughang jemau datang njenguak Yesus ngan betanyau, “Pak guru, kerjau diau iluak luak manau diau mesti kukerjauka, mangku aku bulia idup selelamaunyau?”

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MATIUS 25:41

Mangku Rajau itu ka bekatau ngan jemau di sebela kidauNyau, ‘Laratla jak di adapanKu! Kamu jemau keparat. Pegila ke dalam api diau nidau ka padam-padam, diau disediauka batan endak Iblis ngan anak-buahau.

MATIUS 25:45

Mangku Rajau itu ka nimbal, ‘Keruanila, masau kamu nidau nulung sala sughang kantinKu ini, empuak diau inau sekali, kamu nidau nulung Aku.’

LUKAS 16:26

Lagi di entaghau kaba ngan kami adau badas diau dalam nian, mangku jemau jak di sini nidau pacak ke situ, jemau jak di situ nidau pacak ke sini.’

YUHANIS 17:2

Dighi la ngenjuakka kuasau ngan Diau nguasaui gegalau manusiau, mangku Diau ka ngenjuakka idup empai selelamaunyau ngan gegalau jemau diau la Dighi enjuakka ngan Diau.

YUHANIS 3:36

Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 5:29

mangku ngeluagh jak di kuburan. Jemau diau la bebuat iluak ka ngeluagh, mangku bulia idup empai. Anyautu jemau diau bebuat ja'at ka ngeluagh nerimau ukuman.”

YUHANIS 6:27

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

RASUL 13:46

Ngan beghani Paulus ngan Barnabas ngiciak terang-terangan, kataunyau, “Katau Allah mesti dikiciakka ngan kapu dighi kudai. Anyautu kapu dighi nidau nerimaunyau, mangku kapu dighi nidau dianggap pantas bulia idup selelamaunyau. Mangku kami pegi ke bangsau lain.

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

RASUL 24:15

Luak ughangtu pulau aku ngaghapka Allah, bansau gegalau jemau ka idup jak di mati, empuak jemau iluak empuak jemau ja'at.

RUM 5:21

Na, jemau mati karnau bedusau. Anyautu Allah nunjuakka jalan ngan kitau, mangku kitau seilu'an ngan Diau, karnau Diau nyayangi kitau. Mangku kitau la seilu'an ngan Allah. Diau ngenjuakka idup selelamaunyau ngan kitau karnau Tuhan kitau Yesus Keristus.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

GALATIA 6:8

Amun jemau beperembak nurut serilaunyau, asilau kematian. Amun jemau beperembak nurut bimbingan Rua Allah, asilau idup selelamaunyau jak di Rua itu.

2 TESALUNIKA 1:9

Ughangtu ka benasau selelamaunyau, dicapakka keluagh jak di guak Tuhan, jak di kuasauNyau diau agung.

1 YUHANIS 2:25

Mangku inila janjiAu: idup selelamaunyau.

YUDAS 1:21

Jagauila diri kamu, mangku kamu nidau nyimpang jak di sayang Allah, sampai nungguka Tuhan kitau Yesus Keristus ngenjuakka ngan kamu idup selelamaunyau, karnau Diau iluak nian.

PENGINA'AN 20:10

Mangku Iblis diau nyesatka ughangtu dicapakka dalam laut api ngan belirang, bada benatang ngan nabiautu, disiksau siang malam enggut selelamaunyau.

PENGINA'AN 20:15

Mangku bilang jemau diau nidau ditulis namaunyau dalam kitab jemau iduptu dicapakka ke dalam laut apitu.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”